Fasan

Fasan (Phasianus colchicus) er ein fugl i fasanfamilien, Phasianidae. Dette er ein asiatisk art som er innført til andre verdsdelar som jaktfugl.

Fasan
Fasan, hann, Phasianus colchicus Foto: Lukasz Lukasik
Fasanhoe Foto: Andy Vernon
Utbreiing og status
Status i verda: Livskraftig Status i Noreg: Framandart med låg risiko Utbreiinga av fasan
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Hønsefuglar Galliformes
Familie:	Fasanfamilien Phasianidae
Slekt:	Phasianus
Art:	Fasan P. colchicus
Vitskapleg namn
Phasianus colchicus Linnaeus, 1758

Hannfasanar har mange fargetypar, og varierer i farge frå nesten kvit til nesten svart i somme melaninske eksempel. Variasjonane skyldast oppdrett og kryssing av underartar og kryssing med grønfasan, forsterka av stadige tilførslar frå ville bestandar.

Fasanegg

Fasanar kan ha kroppsvekt frå 0,5 til 3 kg, med hannar i snitt 1,2 kg og hoer i snitt 0,9 kg.

Vaksne hannar av underarten Phasianus colchicus colchicus er 60-89 cm i lengd inkludert ein lang brunspragla hale. Fjørdrakta på kroppen er gyllen brun med markeringar i grønt, lilla og kvitt. Hovudet er flaskegrønt med en liten topp og karakteristiske raude hudlappen. P.c. colchicus og nokre andre underartar manglar den kvite halsringen som er typisk for dei fleste fasanar.

Hofuglen er langt mindre prangande, med en avdempa brunspragla fjørdrakt over og måler 50-63 cm inkludert ein hale på rundt 20 cm. Ungfuglar liknar hofuglar, men har kortare hale. Hos unge hannar veks det ut karakteristiske lyse fjør på brystet, hovudet og bakkroppen om lag 10 veker etter klekking.

Kjelder

• Denne artikkelen bygger på «Common Pheasant» frå Wikipedia på engelsk, den 24. juni 2009.

Bakgrunnsstoff

• (no) fasan hos Artsdatabanken
• (en) fasan i Global Biodiversity Information Facility
• (sv) fasan hos Dyntaxa
• (en) fasan hos Fauna Europaea
• (en) fasan hos Fossilworks
• (en) fasan hos ITIS
• (en) fasan hos NCBI
• (en) Kategori:Phasianus colchicus – bilete, video eller lyd på Wikimedia Commons
• (en) Phasianus colchicus – galleri av bilete, video eller lyd på Wikimedia Commons
• Phasianus colchicus – detaljert informasjon på Wikispecies