Frøydis

Frøydis er eit kvinnenamn, av norrønt Freydís, samansett av det norrøne gudenamnet Frøy og dis, 'gudinne'.

Frøydis har namnedag 18. februar.

Bruken av namnet i Noreg

Namnet Freydis var bruka i norrøn tid, og vart teke i bruk att på slutten av 1800-talet, først registrert i 1875. Det kom i vanleg bruk i Noreg i 1890-åra, då helst i dei store byane som Kristiania, Trondhjem og Skien. Populariteten nådde ein topp kring 1950, og har sidan gått mykje ned.

• Ved folketeljinga i 1801 var ingen kvinner registrerte med dette namnet
• Ved folketeljinga i 1900 var 34 registrerte med namnet Frøidis, Frøydis, Freidis eller Freydis.
• I 2008 har 1703 kvinner Frøydis til første fornamn, 15 skriv seg for Freydis.

Kjende namneberarar

• Frøydis Eiriksdotter, dotter til Eirik Raude, einaste kjende namneberar frå norrøn mellomalder
• Frøydis Haavardsholm (1896-1984), norsk illustratør
• Frøydis Langmark (f. 1941), norsk lege
• Frøydis Ree Wekre (f. 1941), norsk musikar
• Frøydis Hertzberg (f. 1944), norsk filologiprofessor
• Frøydis Alvær (f. 1945), norsk barnebokforfattar
• Frøydis Armand (f. 1949), norsk skodespelar
• Frøydis Arnesen (f. 1965), norsk forfattar
• Frøydis Grorud (f. 1974), norsk saksofonist, kjend frå Beat for beat

Sjå òg:

• Søk etter norsk namnestatistikk for Frøydis hjå Statistisk Sentralbyrå

Kjelder

• Folketeljingar i Digitalarkivet
• Olav Veka 1991: Namneboka, Det Norske Samlaget ISBN 82-521-3604-4