Frankfurt am Main

(Omdirigert frå Frankfurt-am-Main)
Sjå òg Frankfurt an der Oder.

Frankfurt am Main er ein by ved elva Main i Tyskland og den største byen i delstaten Hessen og den femte største i landet. Han har eit innbyggjartal på om lag 780 000, men det urbane området går langt ut over bygrensene, og sjølve storbyområdet har nesten 6 millionar innbyggjarar. Dette er det nest største storbyområdet i Tyskland.

Frankfurt am Main
by
Våpenskjold
Land  Tyskland
Stat Hessen
Region Darmstadt
Landkreis Kreisfri by
Del av Stadtregion Frankfurt
Høgd 112 m
Areal 248,31 km²
Folketal 775 790 (31. desember 2023)
Grunnlagd 1. hundreåret
Postnummer 60001-60599, 65901-65936
Retningsnummer 069, 06109, 06101
Bilnummer F
Kart
Frankfurt am Main
50°06′38″N 8°40′56″E / 50.110555555556°N 8.6822222222222°E / 50.110555555556; 8.6822222222222
Wikimedia Commons: Frankfurt am Main
Hovudkontoret til Deutsche Bank i Frankfurt.
Foto: Raimond Spekking

Frankfurt er eit senter for økonomi og transport i Tyskland. Her ligg mellom anna Den europeiske sentralbanken, Frankfurt-børsen og er i lag med Paris ein av dei to største finansmetropolane i Europa. I følgje Liverpool University var Frankfurt den rikaste byen i EU i 2001 målt etter BNP per innbyggjar.[1]

Vanlegvis vert byen berre kalla Frankfurt, sjølv om tyskarane stundom brukar det fulle namnet for å skilje han frå den mykje mindre byen Frankfurt an der Oder i Brandenburg.

Finansbyen

endre
 
Foto: Nicolas Scheuer

Frankfurt er ein stor finansmetropol i Europa. Den europeiske sentralbanken, Frankfurt-børsen, en av verdens største børser, og den tyske sentralbanken Bundesbank ligg her. Det same er hovudkontora til storbankane Deutsche Bank, Dresdner Bank og Commerzbank. Frankfurt er derfor også kjent som Bankfurt, eller som Mainhatten på grunn av av dei mange skyskraparane i byen. Den høgaste skyskraparen, i tillegg til åtte av dei ti høgaste i Europa, finst her.

Kulturbyen

endre

Frankfurt er verdas største forlagsby. Verdas viktigaste bokmesse, Frankfurter Buchmesse, blir halden her kvart år. Ho blei arrangert for første gong i 1478.

Historie

endre
 
Panorama over Frankfurt i 1658.

Namnet Frankfurt er avleia frå den germanske stammen frankarane, og var opphavleg Franconofurt. Namnet blir først nemnt i 794, då Karl den Store heldt ei riksforsamling her. I det tysk-romerske riket var Frankfurt ein av dei viktigaste byane. Frankfurter Messe blir nemnt for første gong i 1150. I 1240 gav keisar Friedrich II vitjande til byen keisarleg vern. Frankfurt blei ein riksby, direkte underlagt keisaren, i 1372.

Frå 855 blei dei tyske kongane og romerske keisarane valde i Frankfurt. Frå 1562 blei dei òg krona i Frankfurt, med Maximilian II som den første. Tradisjonen tok slutt etter 1792, då Franz II blei vald som den siste tysk-romerske keisaren.

Ein av dei travlaste flyplassane i europa er Frankfurt Flughafen som ligg rett utanfor byen.

Fødde i Frankfurt

endre

Kjelder

endre

Bakgrunnsstoff

endre
  Commons har multimedium som gjeld: Frankfurt am Main
  Reiseguide for Frankfurt frå Wikivoyage