Grønsisik

Grønsisik (Spinus spinus, òg Carduelis spinus) er ein fink med gulgrøn fjørdrakt.

Grønsisik
Grønsisik
Utbreiing og status
Status i verda: Livskraftig Gult viser sommartilhaldsområde med hekking, grønt fast tilhald med hekking, og blått vinterområde utan hekking
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Finkefamilien Fringillidae
Slekt:	Spinus
Art:	Grønsisik S. spinus
Vitskapleg namn
Spinus spinus Linnaeus, 1758

Grønsisikho.

Foto: Marek Szczepanek

Kjenneteikn

Grønsisiken er ein liten fugl på om lag 12 cm. Den grøn-gule fjørdrakta og det skarpe, smale nebbet er typisk for grønsisiken. Hoa er meir grå-grøn enn hannen, som også har ein svart hovud kalott og ein svart strupeflekk. Grønsisiken har ei variert kvitring og herming etter andre fuglar. Hannen lokkar hoa med plystring, der den eine lyden er «dettande» og den andre er stigande. Fuglen opptrer ofte i flokkar.

Utbreiing

Grønsisik har ei nordleg palearktisk utbreiing og finst frå Irland i vest til Japan i aust. Han er delvis ein trekkfugl, men kan overvintre på stader der han kan livnære seg av frø. Elles kan overvintringsstadene vera så langt sør som Middelhavslanda, Kina og Ryukyuøyane. I Noreg finn grønsisiken mest frø i sør der han er mest om vinteren om han ikkje reiser til Mellom- eller Sør-Europa. Han kjem vanlegvis tilbake til Noreg i mars-april.

Levesett

Grønsisiken lever av frø, og kan derfor overleve vinteren i dei fleste stader i Noreg frå år til år. Då vil også bestanden variere forskjellig i åra. Bestanden kan endre seg så mykje som 100 000 til 1 million.

Forplanting

Grønsisikegg

Fuglen hekkar vanlegvis i gran- eller furuskog. Reiret er bygd av strå, mose eller lavbitar og han har reiret sitt i bartre. I reiret ligg det 4–6 egg som blir ruga av hoa i 2 veker. Egga blir klekt i april–mai, og hoa kan legge to kull. Når ungane er 13–15 dagar gamle forlet dei reiret.

Næring

Grønsisikar lever av frø frå kongle, men ungane får litt insekt også. Om vinteren et dei or kongler eller ugrasfrø. Du kan også sjå den på fuglebrettet om vinteren.

Bakgrunnsstoff

Wikimedia Commons har multimedia som gjeld: Grønsisik