Grilling
Grilling er ein måte å steike mat på ved hjelp av sterk varmestråling frå eld eller eit varmeelement. Ofte blir maten lagt på ei stekerist (grill) eller ein flat stein og varma opp frå over- eller undersida. Ein kan også grilla mat tredd på større eller mindre grillspyd.
Grillar er eigne apparat som blir brukte til grilling, og kan bruka glødande trekol, elektrisitet eller gass til å gje varme. Grilling føregår ofte utandørs, og er i kaldare land gjerne rekna som ein koseleg, sosial aktivitet ein gjer om sommaren.
Ein kan grilla ei rekkje ulike matvarer, som kjøt, sjømat, grønsaker og frukt. Grillmaten får typisk ei tørr, sprø utside med ein særskild smak skapt av maillardreaksjonen, medan innsida kan halda seg saftig eller nær rå. Bruk av marinade kan endra smaken til maten og gjera kjøt mørare. Vidare kan ein ha grillsaus, som i nokre høve også er laga på grillen, og ulikt anna tilbehøyr saman med grillmat, til dømes salatar som potetsalat, brødmat som hamburgerbrød, ris, grønsaker og så bortetter.
Kjelder
endre- «grill» i Nynorskordboka.
- «Grille: steke» (14. februar 2009), Store norske leksikon.
- «Grilling gir sommerfølelse»[daud lenkje], matprat.no. Vitja 25. juni 2014.
