Gunnar Nygård
Gunnar Nygård (fødd 24. desember 1897 i Kristiania, daud 25. januar 1997 i Bærum) var ein norsk kringkastingsmann og ein av pionerane innan norsk radio.
| Gunnar Nygård | |
| Statsborgarskap | Noreg |
| Fødd | 24. desember 1897 Christiania |
| Død |
25. januar 1997 (99 år) |
| Yrke | radiotekniker |
| Språk | norsk |
Biografi
endreGunnar Nygård var telegrafutdanna og deltok i Prøvesendingane i telegrafstyret i 1923–24, først frå Tryvasshøgda, seinare frå Telegrafbygningen i Oslo sentrum.
Kringkastingen
endreDå Telegrafverket i 1925 starta faste sendingar på vegne av Kringkastingselsskapet AS i lokala til Brødrene Hals tidlegare pianofabrikk vart han fullmektig i kontrollen, og i 1933 følgde han med til NRK, der han avanserte til sjefteknikar. Han medverka ikkje berre på den tekniske sida, men òg i programavviklinga. Han hadde ei utmerka songstemme. I dei tidlege åra måtte han trø til under morgonandakta dersom salmen som presten ynskte ikkje fanst i grammofonplatearkivet.
Andre verdskrig
endreUnder felttoget i Noreg i 1940 følgde Nygård regjeringa, og då kampane vart oppgjeve i Noreg vart Nygård send til Amerika for å undersøkja høve for norske sendingar frå det nøytrale USA.[1] Han forlét Noreg ombord på MK «Grimsøy» i Honningsvåg den 8. juni og kom til Canada via Island den 28. juni.[2] I Boston fekk NRK i september 1940 høve til å senda norske sendingar over kortbølgjestasjonen WRUL (World Radio University Listeners) med ein dagleg halvtime, mynta på sjøfolka i handelsflåten som var høyrt over heile kloden.[3]
Etterkrigstida
endreHausten 1945 var Nygård tilbake det nye Kringkastingshuset på Marienlyst og han var med på å byggja opp NRK igjen etter krigsåra. Han hadde ulike oppgåver til han i 1947 fekk ansvaret for å leia dei nye kortbølgjesendingane til nordmenn og norskættede i utlandet, Utenlandssendingen som vart opna av kong Haakon 3. januar 1948.
Frå 1952 hadde Nygård tittelen programsekretær. I 1964 fekk han St. Olavsmedaljen for 40 års teneste for radioen. Han døydde i 1997 i sitt hundrede leveår.
Kjelder
endre- Denne artikkelen bygger på «Gunnar Nygård» frå Wikipedia på bokmål, den 22. september 2018.
Referansar
endre- ↑ Kreyberg, Leiv (1896-1984) (1976). Efter ordre - eller uten. Oslo: Gyldendal. s. 105. ISBN 8205089353.
- ↑ Ulstein, Ragnar (1920-) (1979). Englandsfarten. Oslo: Samlaget. ISBN 8252109837.
- ↑ Dahl, Hans Fredrik (1939-) (1999). "Dette er London": NRK i krig 1940-1945. [Oslo]: Cappelen. ISBN 8202185777.