Halo av LUM!X
| «Halo» Song av LUM!X med Pia Maria | ||
 | ||
| Land | Austerrike | |
| Språk | Engelsk | |
| Utgjeve | 11. mars 2022 | |
| Sjanger | Dance-pop[1][2] | |
| Lengd | 02:39 | |
| Selskap | Spinnin' Records | |
| Låtskrivar(ar) | Anders Nilsen, Rasmus Flyckt, Sophie Alexandra Tweed-Simmons, Gabriele Ponte, Luca Michlmayr | |
|---|---|---|
«Halo» er ein dansepoplåt frå 2022 som vert framført av den austerrikske DJ-en LUM!X og songaren Pia Maria. Songen vart gjeven ut 11. mars 2022 og var det austerrikske bidraget til Eurovision Song Contest 2022 i Torino i Italia.
Om songen endre
«Halo» er skriven av den norske låtskrivaren Anders Nilsen saman med Rasmus Flyckt og Sophie Alexandra Tweed-Simmons. Gabriele Ponte og LUM!X har også bidrege noko inn på låtskrivarsida, medan Anders Nilsen og LUM!X har produsert songen.[3]
LUM!X framfører songen saman med Pia Maria. DJ-en kalla «Halo» for ein comeback-song etter koronaviruspandemien: «No kan vi endeleg feste igjen, besøkje klubbar og ha det moro».[4] Ifølgje Pia Maria handla songen om styrke: «'Halo' gjev meg ein uendeleg mengde styrke. Det er ein av desse songane som får deg til å føle at du kan gjere kva som helst».[4]
Hausten 2021 søkte den austerrikske kringkastaren ORF etter kandidater til å representere Austerrike i Eurovision Song Contest 2022.[5] Kringkastaren kunngjorde 8. februar 2022 at dei hadde vald «Halo» med LUM!X og Pia Maria.[6]
«Halo» vart fyrst sloppen for strøyming og nedlasting ved midnatt 11. mars 2022, men eit utdrag av songen vart lekka på tenesta Beatport ei veke tidlegare.[7] Songen hadde radiopremiere 11. mars 2022, og ein musikkvideo regissert av Tessa Kadletz kom ut same dag.[3]
«Halo» deltok i den fyrste semifinalen av Eurovision Song Contes tysdag 10. mai 2022. Der blei han nummer 15 av 17, og sidan songen ikkje var blant dei ti beste, kvalifiserte han seg ikkje til finalen laurdag 14. mai.[8]
Listeplasseringar endre
| Liste (2022) | Høgaste plassering |
|---|---|
 Austerrike (Ö3 Austria Top 40)[9]
|
6 |
 Island (Tónlistinn)[10]
|
24 |
 Litauen (AGATA)[11]
|
31 |
Kjelder endre
- ↑ «LUM!X feat. Pia Maria gehen mit "Halo" für Österreich beim Eurovision Song Contest 2022 in Turin an den Start». ORF (på tysk). Henta 4. mars 2022.
- ↑ «Österreich schickt Lum!x und Pia Maria zum Song Contest nach Turin». Der Standard (på tysk). 8. februar 2022. Henta 4. mars 2022.
- ↑ 3,0 3,1 «Eurovision Song Contest 2022: Unser Song für Turin – LUM!X feat. Pia Maria treten mit „Halo“ an». der.ORF.at (på tysk). Henta 10. mars 2022.
- ↑ 4,0 4,1 «🇦🇹 Austria: Staggered Reveals of "Halo" During Tomorrow». Eurovoix (på engelsk). 10. mars 2022. Henta 10. mars 2022.
- ↑ Adams, William Lee (24. november 2021). «Austria: Eurovision scout Eberhard Forcher relives highs and lows of his song contest searches». Wiwibloggs (på engelsk). Henta 24. desember 2021.
- ↑ «Austria: LUM!X and Pia Maria will take ‘Halo’ to Eurovision 🇦🇹». Eurovision.tv (på engelsk). 8. februar 2022. Henta 10. mars 2022.
- ↑ «🇦🇹 Austria: Snippet of "Halo" Revealed Online». Eurovoix (på engelsk). 3. mars 2022. Henta 10. mars 2022.
- ↑ «LUM!X feat. Pia Maria - Austria - Turin 2022». Eurovision.tv (på engelsk). Henta 19. juni 2022.
- ↑ Hung, Steffen. «Lum!x feat. Pia Maria - Halo». austriancharts.at. Henta 19. juni 2022.
- ↑ «TÓNLISTINN – LÖG vika 20–2022» (på islandsk). Tónlistinn Plötutíðindi. Arkivert frå originalen 21. mai 2022. Henta 22. mai 2022.
- ↑ «2022 20-os savaitės klausomiausi (TOP 100)». Agata (på litauisk). 20. mai 2022. Henta 19. juni 2022.
- Denne artikkelen bygger på «Halo (LUM!X-sang)» frå Wikipedia på bokmål, den 14. desember 2022.