Hanna Jensen
Hanna Jensen (fødd 19. februar 1973 i Leirvík) er ein færøysk adjunkt og politikar for partiet Framsókn. I februar 2019 vart ho medlem av den færøyske regjering som utdannings- og forskingsminister.[1]
| Hanna Jensen | |||
 | |||
| Fødd | 19. februar 1973 (51 år) Leirvík | ||
|---|---|---|---|
| Statsborgar av | Kongeriket Danmark | ||
| Parti | Framsókn (2011), Fólkaflokkurin (ukjend; 2011) | ||
| Yrke | politikar, skuleleiar, Konsul i diplomatiet | ||
| Utdanna ved | Københavns Universitet Fróðskaparsetur Føroya | ||
| Alle verv |
| ||
Bakgrunn
endreEtter studentereksamen tok Jensen mastergrad i færøysk og fransk språk og litteratur, i tillegg til eksamenar i pedagogikk og jus, ved Københavns Universitet og Fróðskaparsetur Føroya. Ho har vore adjunkt og studietrettleiar ved den vidaregåande skulen i Kambsdalur sidan 2005, etter å ha undervist ved den tekniske skulen i Klaksvík. Jensen har òg vore timelærar i færøysk litteratur ved Føroya Læraraskúli. Ho er busett i Norðragøta.[2]
Jensen har vore medlem av kommunestyret i Eysturkommuna sidan 2009, og har leia både velferdsutvalet og kulturutvalet.[2][3] Ho representerte Fólkaflokkurin fram til 2011, då ho tok initiativ til å danna det nasjonale og liberale partiet Framsókn saman med Poul Michelsen.[4] Jensen har sidan vore nestformann i partiet. I perioden 2011–2015 var ho vararepresentant til Lagtinget, der ho periodevis møtte for representantane Poul Michelsen og Janus Rein.[5] I 2015 vart Jensen vald inn som representant.
Jensen har vore fransk konsul på Færøyene sidan 2010.[6] I 2012 mottok ho den franske riddarkrossen.[7]
Kjelder
endre- ↑ «Tvey landsstýrisfólk sita fyri mentamálum» (på færøysk). Løgmansskrivstovan. 14. februar 2019. Henta 28. februar 2019.
- ↑ 2,0 2,1 «Løgtingsvalið 2011. Valevni til løgtingsvalið. Hanna Jensen» (på færøysk). Framsókn. 2011. Henta 26. juli 2014.
- ↑ «Býráðslimir» (på færøysk). Eysturkommuna. Arkivert frå originalen 24. september 2015. Henta 26. juli 2014.
- ↑ Lindenskov, Eirikur (9. mars 2011). «Nýggi flokkurin hjá Poul eitur »Framsókn«». Sosialurin (på færøysk). Arkivert frå originalen 22. juli 2012. Henta 26. juli 2014.
- ↑ «Varamenn fyri tingmenn valdir 2011» (på færøysk). Løgtingið. Henta 26. juli 2014.
- ↑ Poulsen, Leo (7. mai 2010). «Øskan forpurrar konsulskifti». Sosialurin (på færøysk). Henta 26. juli 2014.[daud lenkje]
- ↑ - torshavn.fo - Hanna fekk franska riddarakrossin, 1. august 2012.
- Denne artikkelen bygger på «Hanna Jensen» frå Wikipedia på bokmål, den 26. mars 2019.