Hans-Joachim Walde

Hans-Joachim Walde (28. juni 1942–18. april 2013) var ein tysk friidrettsutøvar, fødd i dåverande Landkreis Lüben, dagens Nederschlesiske voivodskap i Polen, som representerte Vest-Tyskland.

Hans-Joachim Walde til høgre, på sigerspallen under Sommar-OL 1964, vidare mot venstre Willi Holdorf og Rein Aun

Aktiv

Walde var ein av verdas beste i tikamp-øvinga gjennom heile tiåret 1963-72. I 1964 vart han vesttysk meister i øvinga, før han same hausten sikra seg bronsemedaljen under Sommar-OL i Tokyo. Tre år seinare var han tilbake i Tokyo, der han vann tikampen i universiaden 1967 med 7 819 poeng. Tidlegare i 1967 oppnådde han 7 992 poeng då han vann eit stemne i Los Angeles framfor Bill Toomey frå USA. Under sommarleikane i Mexico-byen i oktober 1968 gjorde Walde sitt livs beste tikamp-tevling og samla 8 111 poeng (8 094 etter seinare tabell) og tok sølv, verdsrekordhaldaren Bill Toomey vann gullmedaljen. I 1969 vart Walde vesttysk meister for andre gong, året etter sette han verdsrekord i sjukamp. Han vart så tredjemann ved 1971-EM i Helsinki, langt bak europameisteren Joachim Kirst frå Aust-Tyskland og svensken Lennart Hedmark. Walde deltok i Sommar-OL 1972 på vesttysk heimebane, der ein skade gjorde at han trekte seg frå tevlinga etter 4 øvingar.

Medaljar og plasseringar i internasjonale meisterskap

• OL 1964 i Tokyo: Bronsemedalje – 7809 poeng
• OL 1968 i Mexico by: Sølvmedalje – 8111 poeng, bakom Bill Toomey (8193)
• EM 1971 i Helsinki: Bronsemedalje – 7951 poeng
• OL 1972 i München: Braut etter 4 øvingar

Kjelder

• Denne artikkelen bygger på «Hans-Joachim Walde» frå Wikipedia på tysk, den 24. mai 2019.