Hasta la vista av Hurricane
| «Hasta la vista» Song av Hurricane | ||
| Land | Serbia | |
| Språk | Serbisk | |
| Utgjeve | 7. februar 2020 | |
| Sjanger | Dance-pop, R&B | |
| Lengd | 03:01 | |
| Låtskrivar(ar) | Nemanja Antonić, Kosana Stojić, Sanja Vučić | |
|---|---|---|
«Hasta la vista» (spansk for 'på gjensyn') er ein serbisk popsong frå 2020 som vert framført av jentegruppa Hurricane. Songen skulle ha vore det serbiske bidraget i Eurovision Song Contest 2020 i Rotterdam i Nederland, men tevlinga vart avlyst på grunn av koronaviruspandemien i Europa vinteren 2020.[1] Songen vart utgjeven 7. februar 2020.[2]
Om songen
endre«Hasta la vista» er komponert av Nemanja Antonić, medan Kosana Stojić og Sanja Vučić har skrive teksta.[3] Songen har serbisk tekst, men tittelen er spansk, og det er enkelte engelske ord i teksta.[3] «Hasta la vista» vart utgjeven for nedlasting og strøyming 7. februar 2020. Ein omarbeidd versjon av låten, og dessutan ein musikkvideo, vart utgjeven 27. februar same år.[4]
6. februar 2020 vart Hurricane og «Hasta la vista» offentleggjord som ein av 24 deltakarar i songtevlinga Beovizija 2020.[5] Beovizija vert arrangert av kringkastaren Radio-televizija Srbije (RTS), og vinnaren skulle representere Serbia i Eurovision Song Contest. «Hasta la vista» kvalifiserte seg frå semifinalen 29. februar 2020, og deltok i finalen dagen etter.[6] Der vann songen både jury- og telefonavrøystinga og vart dimed det serbiske bidraget i Eurovision Song Contest 2020.[7]
Eurovision Song Contest
endreI januar 2020 vart Serbia trekt til å delta i den andre semifinalen av Eurovision Song Contest. Semifinalen skulle ha vore arrangert i Rotterdam Ahoy i Nederland torsdag 14. mai, men på grunn av koronavirusutbrotet vinteren 2020 vedtok EBU å avlyse Eurovision Song Contest. Dette vart gjort for å hindra spreiing av koronaviruset SARS-CoV-2 og den medfølgjande sjukdomen COVID-19 i Europa.[8][9] Songen fekk dermed aldri delteke i Eurovision Song Contest.
Referansar
endre- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ «Hasta la Vista by Hurricane» (på engelsk). Arkivert frå originalen 4. desember 2021. Henta 2. mars 2020.
- ↑ 3,0 3,1 «Hurricane – Serbia – Rotterdam». eurovision.tv. 1. mars 2020. Henta 2. mars 2020.
- ↑ «Serbia: Hurricane release "Hasta la vista" revamp and music video ahead of Beovizija 2020» (på engelsk). 27. februar 2020. Henta 2. mars 2020.
- ↑ «Serbia: RTS reveals the 24 songs competing in Beovizija 2020» (på engelsk). 6. februar 2020. Henta 2. mars 2020.
- ↑ «Serbia: Beovizija 2020 Semi-Final 2 qualifiers include Hurricane» (på engelsk). 29. februar 2020. Henta 2. mars 2020.
- ↑ «Serbia: Hurricane win Beovizija 2020 with "Hasta la vista" | Eurovision» (på engelsk). 1. mars 2020. Henta 2. mars 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- ↑ «Second Semi-Final Rotterdam 2020». eurovision.tv. 2020. Henta 2. mars 2020.
- Denne artikkelen bygger på «Hasta la vista (Hurricane-sang)» frå Wikipedia på bokmål, den 3. desember 2021.