Hatvik-Venjaneset

fergesamband i Vestland
(Omdirigert frå Hatvik–Venjaneset)

Hatvik-Venjaneset (fram til 1979 Hatvik-Fusa) er eit ferjesamband over Bjørnafjordenfylkesveg 552 mellom Os og Fusa. FosenNamsos Sjø driv i dag sambandet med ferja MF «Fosen», med opptil to avgangar i timen. Overfarten tar om lag 13-15 minuttar.

MF «Fosen» ved Hatvik ferjekai

Historie endre

Då vegen sørover frå Fusa til Mundheim stod ferdig i 1937, vart det aktuelt å opne ei ferjerute mellom Hatvik i Os og Eikelandsosen i Fusa. Det Midthordlandske Dampskipsselskap leigde inn kutteren «Gå På I», som kunne ta 2-3 bilar, og som starta i ruta sommaren 1937. Behovet for ein større båt var stort og alt i oktober 1937 vart motorkuttaren «Svindland» sett inn i ruta. Denne var større enn «Gå På I» og kunne ta to bussar på tvers på framdekket. Truleg gjekk «Svindland» i ruta fram til andre verdskrigen braut ut i 1940. Tyskarane nytta Hatvik som marinebase under krigen og det var derfor ingen ferjetrafikk her i desse åra.

Sommaren 1949 tok MF «Fusa» over ruta og gjekk her fram til 1956, då MF «Rosendal» gjekk inn i ruta. I 1962, då HSD tok over ruta, og fram til 1969 tok derimot MF «Fusa» over sambandet att. Ei ny ferje, MF «Fusa», vart bygt i 1969 og sett inn i ruta. Denne ferja gjekk i ruta i 18 år, fram til 1987, men i 1979 vart det bygt nytt ferjeleie ved Venjaneset. Ruta vart då langt kortare.

I 1987 fekk den gamle ferja MF «Stord» nytt namn og vart den tredje ferja med namnet MF «Fusa». Ferja vart sett inn i sambandet og gjekk her med korte avbrekk fram til 1997. Det same vart ferja MF «Eidfjord» (tidlegare MF «Bjørgvin»), som gjekk i sambandet frå 1986 til 1998. I 1998 vart ei nybygd ferje sett inn sambandet, MF «Folgefonn». Denne ferja gjekk meir eller mindre fast fram til FosenNamsos tok over sambandet i 2011.

Ferjer i sambandet endre

Kjelder endre

Bakgrunnsstoff endre