Hedemora kommun

Hedemora kommun er ein kommune i Dalarnas län i Sverige. I Dalarnas län grensar kommunen til Säters kommun i vest og Avesta kommun i sørvest. Han grensar òg til Hofors kommun i Gävleborgs län i nord og Norbergs kommun i Västmanlands län i sør. Administrasjonssenteret i kommunen er Hedemora.

Hedemora kommun
kommune
Kommunevåpen
Land	Sverige
Len	Dalarnas län
Landskap	Dalarna
Del av	Dalarna, Q18290534, Q61606267
Centralort	Hedemora
Areal	934,04 km²
•  land	839,92 km²
•  vatn	94,12 km²
Folketal	15 301
Folketettleik	18 / km²
Hedemora kommun 60.283333333333°N 15.983333333333°E / 60.283333333333; 15.983333333333
Kart som viser Hedemora kommun. Kart som viser Hedemora kommun.
Wikimedia Commons: Hedemora Municipality
Nettstad: www.hedemora.se

Den store rullesteinsåsen Badelundaåsen går gjennom kommunen i retning nordvest–søraust. Dalälven renn gjennom den midtre delen av kommunen, frå nord til sør. Kommunen har ein variert industri med vekt på gruveindustri og stål- og verkstadindustri. Han har òg næringsmiddelindustri, i tillegg til at jord- og skogbruk er viktige næringar. Berggrunnen i Hedemora kommun er rik på mineral, og dette har gjeve grunnlag for gruvedrift. Av landskap kan også dei mange små vatna i kommunen nemnast.

Administrativ historikk

Ved kommunereforma i 1952 vart kommunane Garpenberg og Hedemora til storkommunen Hedemora landskommun. Det vart ikkje gjort endringar for Hedemora stad og Husby. Allereie tidleg i den prosessen som utgjorde blockkommunreforma, i 1967, vart Hedemora stad utvida med dei to andre kommunane. Då einskapleg kommunetype vart innført i 1971, vart den utvida byen omgjord til Hedemora kommun utan endringar i området.

Kommunevåpenet

Blasonering: På sølvbakgrunn, ei grøn gran.

Våpenbiletet går tilbake til eit segl frå 1589. Det vart fastsett som våpen i 1943. Etter kommuneopprettinga vart våpenet registrert i Patent- och registreringsverket i 1974. Dei andre einingane som vart innlemma i kommunen hadde hatt sine eigne våpen, og desse vart ugyldige.

På kommunegreneskilta er det i dag to ulike variantar av kommunevåpenet. På dei gamle skilta, som kommunane sjølve fekk ansvaret for å få laga, er det ei smal gran (til dømes dersom ein kjem på länsväg 266 frå Falun), og denne vert også brukt på brev frå kommunen, offisielle dokument og heimesida til kommunen. På dei nyoppsette skilta, som ein mellom anna finn på riksväg 70, mot både Avesta og Säter, ser ein ei breiare gran. Dette skuldast at det i dag er Vägverket som har ansvaret for å setje opp skilta, og dei får oppgåvene sine frå statsheraldikaren.

Tettstader

Det er seks tettstader i Hedemora kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1	Hedemora	7 279
2	Långshyttan	1 764
3	Vikmanshyttan	897
4	Garpenberg	564
5	Västerby	371
6	Husby	250

Kjelder

• Artikkelen var opphavleg basert på ei omsetjing av «Hedemora kommun» på Wikipedia på svensk.
• «Hedemora – kommune i Sverige» på Store Norske Leksikon.