Helse Vest

Helse Vest RHF er eitt av dei fire regionale helseføretaka i Noreg og har det overordna ansvaret for spesialisthelsetenestene i Rogaland, Hordaland og Sogn og Fjordane. Føretaket er underlagt Helse- og omsorgsdepartementet og skal sjå til at dei kring 1 million innbyggjarane i regionen får dei spesialisthelsetenestene dei har krav på.

Helse Vest
Org.form	Særlovselskap
Org.nr.	983658725
Bransje	Spesialisthelseteneste
Skipa	17. august 2001
Eigar	Helse- og omsorgsdepartementet
Dotterselskap	Helse Bergen, Helse Stavanger, Helse Førde
Hovudkontor	Stavanger kommune
Land	Noreg
Dagleg leiar	Inger Cathrine Bryne
Nettstad	http://www.helse-vest.no

Haukeland Universitetssjukehus er det største sjukehuset i Helse Vest

Stavanger Universitetssjukehus er nest størst

Helse Vest eig dei fem helseføretaka i regionen og er konsernleiing for føretaksgruppa. Dessutan er IKT-selskapet Helse Vest IKT AS eigd av Helse Vest. Konsernbudsjettet ligg på om lag 19,7 milliardar kroner i 2010. Helse Vest RHF har hovudkontor på Forus i Stavanger kommune og har kring 50 tilsette.

Det er fastsett av Kyrkje- og kulturdepartementet at Helse Vest skal ha nynorsk som tenestemål sidan det er ei overvekt av nynorskkommunar i regionen. Dette inneber at ekstern informasjon som kjem frå føretaket, til dømes magasinet Helse i vest, skal vera på nynorsk.

Helseføretak

• Helse Bergen
• Helse Fonna
• Helse Førde
• Helse Stavanger
• Apoteka Vest

Bakgrunnsstoff

• Helse Vest RHF