Det internasjonale friidrettsforbundet

Det internasjonale friidrettsforbundet eller IAAF (frå engelsk: The International Association of Athletics Federations) er den øvste styrande organisasjonen for friidrett. Forbundet vart skipa den 17. juli 1912 under den første kongressen i Stockholm av representantar frå 17 nasjonale friidrettsforbund. IAAF arbeider mellom anna med standardisering av tidtaking og registrering og godkjenning av verdsrekordar.

Logoen til Det internasjonale friidrettsforbundet

Forbundet er organisert i underorganisasjonar for Afrika, Asia, Europa (Det europeiske friidrettsforbundet), Nord-Amerika, Sør-Amerika og Oseania. Det har om lag 200 medlemsorganisasjonar frå land i alle verdsdelane. I Noreg er Norges Friidrettsforbund underordna IAAF. Den noverande presidenten i IAAF er Lamine Diack frå Senegal.

Forbundet organiserer også fleire store stemne og meisterskap, mellom anna:

• VM i friidrett
• VM i friidrett innandørs
• VM i terrengløp
• Verdscupen i friidrett
• Diamond League
• IAAF World Athletics Final

Presidentar

• Sigfrid Edström, Sverige, (1912-1946)
• Lord Burghley, Tyskland, (1946-1976)
• Adriaan Paulen, Nederland, (1976-1981)
• Primo Nebiolo, Italia, (1981-1999)
• Lamine Diack, Senegal, (1999-)

Kjelder

• Denne artikkelen bygger på «Det internasjonale friidrettsforbundet» frå Wikipedia på bokmål, den 2. september 2012.
• Denne artikkelen bygger på «International Association of Athletics Federations» frå Wikipedia på engelsk, den 2. september 2012.