Blåkroneifrit
Blåkroneifrit (Ifrita kowaldi) er ein insektetande fugleart som lever i det indre av Ny-Guinea. Han er plassert som einaste medlemmen av slekta Ifrita, som historisk var plassert i familien vakteltrastar eller monarkar i ordenen sporvefuglar. Det ser no ut til at fuglen er meir rettvist plassert i sin eigen familie Ifritidae,[1] med norsk namn ifritfamilien.
| Blåkroneifrit | |
 Hannfugl av blåkroneifrit Illustrasjon av John Gerrard Keuleman, 1899 | |
| Status | |
Status i verda:  Livskraftig
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Eupetidae |
| Slekt: | Ifrita |
| Art: | Blåkroneifrit I. kowaldi |
| Vitskapleg namn | |
| Ifrita kowaldi | |
Skildring
endreBlåkroneifritar blir ca. 16 til 17 centimeter i kroppslengd og kan vege opp til 36 gram, og har gulaktig til brun fjørdrakt med ei blå og svart krone. Hannen har ein kvit strek bak auget, medan hoa her er gulfarga. Desse fuglane kryp på stammar og greiner på jakt etter insekt.
Denne gåtefulle fuglen representerer ein av berre tre fugleslekter kjent for å ha giftige medlemmar, dei andre er slekta Pitohui, òg frå Ny-Guinea, og slekta Colluricincla med arten lauvplystrar i Australia. Blåkroneifrit, nett som arten giftpitohui, har evne til sekresjon av batrachotoksin gjennom hud og fjører, noko som fører til kjenslelause og prikking hos dei som handterer fuglen. Gifta kjem inn i kroppen gjennom føda, spesielt frå biller i slekta Choresine.[2]
Storleiken på populasjonen er ikkje kjent, men er trudd å vere stabil og han er vanleg i utbreiingsområdet, arten er derfor kategorisert som livskraftig, LC.[3]
Kjelder
endre- Denne artikkelen bygger på «Blue-capped Ifrita» frå Wikipedia på engelsk, den 6. september 2016.
- Referansar
- ↑ Schulenberg T.S.; M. J. Iliff; B.L. Sullivan; C. L. Wood; T. A. Fredericks; D. Roberson (august 2016), eBird/Clements Checklist v2016 (CSV), Cornell Lab of Ornithology, henta 23. august 2016
- ↑ Dumbacher, J.P.; et al. (2004). «Melyrid beetles (Choresine): A putative source for the batrachotoxin alkaloids found in poison-dart frogs and toxic passerine birds». PNAS 101 (45): 15857–15860. PMC 528779. PMID 15520388. doi:10.1073/pnas.0407197101.
- ↑ BirdLife International (2016) Species factsheet: Ifrita kowaldi Arkivert 2016-09-16 ved Wayback Machine.. Henta frå http://www.birdlife.org den 6. september 2016
Bakgrunnsstoff
endre
Wikimedia Commons har multimedia som gjeld: Blåkroneifrit