Ivar Hvamstad
Ivar Hvamstad (28. september 1878–9. mai 1916) var ein norsk landhandlar frå Brandbu. Han representerte Arbeidarpartiet på Stortinget i 1916. Iver L. Hvamstad var far hans.
| Ivar Hvamstad | |||
 | |||
| Fødd | 28. september 1878 | ||
|---|---|---|---|
| Død | 9. mai 1916 (37 år) | ||
| Statsborgar av | Noreg | ||
| Parti | Arbeidarpartiet | ||
| Yrke | politikar | ||
| Far | Iver Larsen Hvamstad | ||
| Alle verv |
| ||
Hvamstad gjekk to år på Grans høgre allmennskule og var deretter handelsbetjent i tre år. Han var så landhandlar i Nes i Akershus åra 1898-1904 og dreiv deretter eit landhandleri i Hof i Solør i tida 1904-11. Frå 1911 dreiv han landhandel i Brandval til han døydde fem år seinare.
Hvamstad var mykje aktiv i arbeidarrørsla, heldt foredrag og stifta lag. Han var medlem 1907-10 i heradsstyret i Hof og i skulestyret. Perioden 1910-12 var han varamann til Stortinget frå Solør krins. Ved stortingsvalet 1915 fekk han fast tingsete frå same einmannskrinsen. Han var med i Næringskomite nr 1, men døydde berre fire månader etter at tingperioden tok til.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Stortingsbiografi[daud lenkje]