Jenny Lund
Jenny Lund (15. februar 1916–17. august 1998) var ein norsk politikar for Ap. Ho var fast møtande stortingsrepresentant for Sør-Trøndelag fylke frå 1956 til 1963.[1]
| Jenny Lund | |
| Statsborgarskap | Noreg |
| Fødd | 15. februar 1916 Ålen kommune |
| Død |
17. august 1998 (82 år) |
| Yrke | politikar, gründer |
| Politisk parti | Arbeidarpartiet |
Liv og virke
endreLund vaks opp i fjellbygda Ålen som nest yngst av åtte sysken. Faren, Rasmus Saksgård, var skomakar, kommunepolitikar og avhaldsmann.[1][2][3] Mora Marie var dotter av Gøran Bengtson, som var stiger ved Killingdal gruver.[4]
I 1931, 15 år gammal, melde Lund seg inn i arbeidarungdomslaget på Graftås i Ålen.[5][6]
16 år gammal flytta Lund til Trondheim for å skaffe arbeid. Ho arbeida som hushjelp, seinare på eit bokbinderi. Ho engasjerte seg også i arbeidarungdomslag og godtemplarungdomslag.[5][6] I 1943 gifta ho seg med Per-Helge Lund (1916–1950) frå Trondheim.[7]
Gründer
endreLike etter krigen byrja Jenny og Per-Helge Lund, saman med broren til Jenny og svigerinna, å produsere ryggsekkar på loftet heime. Dette blei byrjinga på Fjellheimen sportsfabrikk, som produserte blant anna soveposar, ryggsekkar, telt og anorakkar.[6] Fabrikken blei ein viktig kvinnearbeidsplass i Ålen. Selskapet blei kjøpt opp av Helsport i Trondheim i 1965 og flytta produksjonen til Melhus i 1979.[8]
Politikar og organisasjonsbyggjar
endreJenny Lund blei ei drivkraft bak å danne fleire arbeidarkvinnelag i Ålen og nabobygdene, og ho fekk også plass i Sør-Trøndelag Arbeidarparti sitt kvinneutval. Ho blei også lagt merke til som kommunepolitikar.[5][6]
Lund var vararepresentant til Stortinget i fire valperiodar frå 1954 til 1969. Ho rykka opp som fast representant då Amund Skarholt døydde i april 1956. Etter stortingsvalet i 1957 møtte ho fast som vara for fiskeriminister Nils Lysø.[1] Lund sat heile tida i Stortingets sosialkomité, der ho deltok i lovbehandlinga av den kommunale sosialhjelpen og ytingar som seinare blei ein del av folketrygda.[6] Då Gerhardsen-regjeringa måtte gå av på grunn av Kings Bay-saka i 1963, mista Lund også stortingsplassen.[1]
Etter stortingsvalet i 1965 møtte Lund, i samband med regjeringsskiftet, i eit par veker for sosialminister Olav Gjærevoll.[1]
Lund sat i komitéen som i 1969 la fram forslag til endringar i straffeprosesslova.[1]
Jenny Lund fortsette å engasjere seg i partiarbeid.[5][6] Ho hadde også leiarverv i pensjonistlag og eldreråd i Ålen.[1]
Kjelder
endre- ↑ 1,0 1,1 1,2 1,3 1,4 1,5 1,6 «Jenny Lund». Stortinget.no.
- ↑ Tretvik, Aud Mikkelsen (1989). Ålen og ålbyggen 1. Holtålen kommune. s. 526–527.
- ↑ «Rasmus Saksgård i Aalen 65 år». Fjell-Ljom: 2. 28. oktober 1932.
- ↑ «Ministerialbokfor Haltdalen prestegjeld, Ålen sokn 1891–1906 (1645P)». Digitalarkivet. Henta 29. oktober 2023.
- ↑ 5,0 5,1 5,2 5,3 Kirkbakk, Ole (2. november 1998). «Minneord forhenværende stortingsrepresentant Jenny Lund (Saksgård)». Arbeidets Rett: 18.
- ↑ 6,0 6,1 6,2 6,3 6,4 6,5 Bårdstu, Arvid (22. januar 1988). «Et politisk tilbakeblikk». Arbeidets Rett: 5.
- ↑ Tretvik, Aud Mikkelsen (1989). Ålen og ålbyggen 1. Holtålen kommune. s. 427.
- ↑ «Kroken på døra for Helsport’s avdeling i Ålen». Arbeidets Rett: 1 og 12. 16. juli 1979.
- Denne artikkelen bygger på «Jenny Lund» frå Wikipedia på bokmål, den 5. mars 2024.