Jessica av The Allman Brothers Band
| Jessica av The Allman Brothers Band frå albumet Brothers and Sisters | ||
| B-side |
«Come and Go Blues» | |
|---|---|---|
| Utgjeve | Desember 1973 | |
| Innspelt | Desember 1972 | |
| Sjanger | ||
| Lengd | 7:28 | |
| Selskap | Capricorn 0036 | |
| Komponist | Les Dudek, Dickey Betts | |
| Tekstforfattar | Les Dudek, Dickey Betts | |
| Låtskrivar(ar) | Dickey Betts | |
| Produsent |
| |
| The Allman Brothers Band-kronologi | ||
| «Ramblin' Man» (1973) |
Jessica | «Nevertheless» (1975)
|
«Jessica» er eit instrumentalt stykke av det amerikanske rockebandet The Allman Brothers Band, gjeve ut i desember 1973 som den andre singelen frå det fjerde studioalbumet deira, Brothers and Sisters (1973). Songen vart skriven av gitaristen Dickey Betts og var ei hyllest til sigøynerjazz-gitaristen Django Reinhardt, sidan han vart skriven for å berre spelast med to fingrar på venstre handa.
Betts skreiv det meste av «Jessica» på garden til bandet i Juliette i Georgia. Han kalla stykket opp etter dottera, Jessica Betts, som var spedbarn då songen kom ut. Ho hadde hoppa opp og ned til rytmen i songen og Betts prøvde å fange haldninga hennar i melodien. Han inviterte med seg gitaristen Les Dudek til å samarbeide på stykket, og Dudek skreiv mellomspelet. Arrangementet vart laga før innspelinga, som fann tad i Capricorn Sound Studios i Macon i Georgia.
Songen vart gjeven ut på singel etter den store suksessen dei hadde hatt med «Ramblin' Man», men «Jessica» vart ikkje ein like stor suksess. Trass i dette vart han mykje spelt på radio. Kritikarane har ofte vore særs positive og kalla det høgdepunktet på albumet, og i 2006 omtalte Wall Street Journal songen som «eit sant nasjonalt arvestykke».
Songen er blitt særs kjend som kjenningsmelodien til bilprogrammet Top Gear på BBC Two
Salslister
endre| Liste (1973) | Plassering |
|---|---|
| Canada Top Singles (RPM) | 35 |
| Canada Adult Contemporary (RPM) | 68 |
| Nederland (Nederlandsk Topp 40)[1] | 29 |
| US Billboard Hot 100[2] | 65 |
| US Easy Listening (Billboard)[3] | 29 |
Kjelder
endre- Denne artikkelen bygger på «Jessica (instrumental)» frå Wikipedia på engelsk, den 9. september 2018.
- Wikipedia på engelsk oppgav desse kjeldene:
- ↑ "Nederlandse Top 40 – The Allman Brothers Band search results" (på nederlandsk) Nederlandsk Topp 40. Stichting Nederlandse Top 40. Henta 27. april 2014.
- ↑ "Allman Brothers Band?f=379&g=Singles The Allman Brothers Band Album & Song Chart History" Billboard Hot 100 for The Allman Brothers Band. Prometheus Global Media. Henta 27. april 2014.
- ↑ «Easy Listening». Billboard (New York City: Prometheus Global Media) 86 (10): 31. March 9, 1974. ISSN 0006-2510.