Johan Henrik Cappelen

Sjå også Johan Cappelen (1889 - 1947) og Kontorsjef Johan Henrik Cappelen (1838 - 1900).

Johan Henrik Cappelen (7. oktober 1795–14. mars 1850) var ein norsk embetsmann og stortingsmann.

Johan Henrik Cappelen
Fødd	7. oktober 1795 Ulstein
Død	14. mars 1850 (54 år) Bergen
Yrke	embetsmann, politikar

Cappelen kom til verda i Ulstein, der far hans var sokneprest. Han voks dels opp i Lom, der faren døydde i 1800, og i Vik i Sogn, då mor hans gifta seg med soknepresten der. Åra 1816-18 var han sekondløytnant, tok så juridisk eksamen i 1822. Han vart utnemnd til fut og sorenskrivar i Aust-Finnmark i 1826, budde då i Vadsø. I 1831 vart han fut i Ytre Sogn.

Cappelen var 4. representant for Finnmark på Stortinget 1833. Han var medlem av trykkekomiteen og av komiteen om tiend i Finnmark.

Han døydde i Bergen.

Han var far til kontorsjef i Stortinget Johan Henrik Cappelen (1838-1900).

Kjelder

• Lindstøl, Tallak:Stortinget og Statsraadet 1814-1914. Kristiania, 1914
• Erik Andreas Thomle: Familien (von) Cappelen i Norge og Danmark, Christiania 1896
• Lambrecht Haugen: Cappelen-slekten 1627-2008, Rosendal 2008
• Biografisk informasjon om Johan Henrik Cappelen NSD Norsk senter for forskningsdatas politikararkiv