Johan Ludwig Mowinckel
Johan Ludwig Mowinckel (22. oktober 1870–30. september 1943) var skipsreiar og ein leiande politikar i Noreg. Han hadde fleire ministerpostar, og leidde tre regjeringar. Som politikar representerte han partiet Venstre.
Liv endre
Johan Ludwig Mowinckel var fødd i Bergen. Han studerte språk og handel i Tyskland, England og Frankrike. I 1898 kjøpte han sitt fyrste skip og starta eit stort shipping-selskap, J. Ludwig Mowinckels Rederi, med hovudkvarter i Bergen. Mowinckel vart leiar for Bergens Venstreforening og vald til bystyret i 1899.
Politikk endre
Mowinckel var statsminister i Noreg i tre periodar: frå 1924 til 1926, frå 1928 til 1931 og frå 1933 til 1935. Frå 1927 var han òg formann i Norges Venstrelag. Han var handelsminister (1921-1922), utanriksminister (1922-1923) og stortingspresident (1916-1918).
Ettersom Mowinckel ikkje var medlem av den norske statskyrkja, kunne han ikkje bli regjeringsmedlem ifølgje grunnlova. Den såkalla «Lex Mowinckel» av 15. mai 1919 endra dette.
Andre verv endre
Johan Ludwig Mowinckel var medlem av Den Norske Nobelkomiteen frå 1925 til 1936.
Frå 1942 fekk han ei leiande stilling ved Nortraship og reiste til New York, der han døydde året etter.
Sjå òg endre
- Norske regjeringar
- Norske statsministrar
- Lengst sitjande norske statsministrar
- Mowinckelkysten på Bouvetøya, som han har fått kalla opp etter seg.
Bakgrunnsstoff endre
- Johan Ludwig Mowinckel ved regjeringa.no
- Biografisk informasjon om Johan Ludwig Mowinckel NSD Norsk senter for forskningsdatas politikararkiv