John William Edy
John William Edy (ca. 1760–ca.1820)[1] var ein engelsk kunstmålar og teiknar.
| John William Edy | |
| Statsborgarskap | Kongeriket Danmark |
| Fødd | 7. mai 1760 Danmark |
| Død |
1820 (60 år) |
| Yrke | kunstnar, gravør, kunstmålar |
| John William Edy på Commons | |
.jpg)
.jpg)
Han arbeidde for forleggjaren John Boydell i London, ofte anonymt.[2] Sumaren 1800 var Edy i Noreg på oppdrag for Boydell saman med landskapsmålaren William Fearnside. Dei var i Noreg frå 31. juli og til slutten av september same år.
Edy utførte fleire teikningar på reisa, blant anna frå Ny-Hellesund som var plassen reisekameratane kom til fyrst.[3] Han er også kjend for teikningane sine frå Oslo og Moss. I Moss måla han hovudbygninga på Moss Jernverk, Konvensjonsgården; måleriet heiter «Höyvelbårne B. Ankers Huus i Moss».[4] Eit handkolorert koparstikk i fargar finst på Stortinget.[5]
Boydells Picturesque Scenerey of Norway kom ut i London i 1820.[2] Historikaren Ole Andreas Øverland gav ut ei norsk utgåve kalla Det gamle Norge i billeder og tekst i 1910. Boka hadde undertittelen Planer til en «malerisk reise gjennom Norge» J. W. Edys tegninger fra aar 1800 og inneheld to plansjar i fargar og dei øvrige er i svart-kvitt.[2]
Referansar
endre- ↑ 2,0 2,1 2,2 Forord fra Det gamle Norge i billeder og tekst frå Prosjekt Runeberg
- ↑ Jan G. Langfeldt: Kunstneres og forfatteres interesse for Ny-Hellesund
- ↑ Höyvel. B. Ankers Huus i Moss frå Digitalt Museum
- ↑ Hovedbygningen på Moss jernverk Arkivert 2013-11-14 ved Wayback Machine. frå Stortinget
Kjelder
endre- Denne artikkelen bygger på «John William Edy» frå Wikipedia på bokmål, den 11. mai 2012.
