Jorge Valdano

argentinsk fotballmanager og fotballspelar

Jorge Alberto Francisco Valdano Castellanos (fødd 4. oktober 1955) er ein argentinsk tidlegare fotballeiar og -spelar frå Las Parejas i Santa Fé-provinsen. Midtspissen vart verdsmeister i 1986 med Argentinas landslag og vann i 1985 og 1986 UEFA-cupen med Real Madrid.

Jorge Valdano

Statsborgarskap Argentina, Spania
Fødd 4. oktober 1955 (68 år)
Las Parejas
Yrke fotballspelar, fotballtrenar, sportssjef, kommentator
Språk spansk
Høgd 188 centimeter
Nettstad http://valdano.es/
Jorge Valdano på Commons

Spelar endre

Klubbspel endre

Valdano spelte på Rosario-klubben Newell's Old Boys frå han var 16 år. 19 år gammal stod han saman med lagkameratane att som seriemeister i Argentina. I 1975 flytta Valdano over til Alavés i spansk andredivisjon. Etter fire sesongar i Alavés tok han i 1979 steget til Real Zaragoza og toppserien i Spania. År 1984 fekk Valdano kontrakt med storklubben Real Madrid, der han i 1985 og 1986 var med om å vinne UEFA-cupen. Begge dei to åra skåra han mål i finalen. Då han vart råka av hepatitt i mars 1987, valde han å legge opp.

Landslagsspel endre

Valdano spelte 23 landskampar for Argentina i perioden 1975-90. Underleg nok fekk han to landskampar i 1990, tre år etter han hadde lagt opp. I alt skåra han sju mål, fire av dei under Fotball-VM 1986. I VM-finalen mot Vest-Tyskland la han på til 2-0 for Argentina, oppgjeret enda 3-2. Valdano deltok også i VM i fotball 1982, der han vart skadd i andre kampen i gruppespelet og mista resten av turneringa.

Merittar endre

  • Verdsmeister: 1986 for Argentina
  • Argentinsk seriemeister: 1974 med Newell's Old Boys
  • Vinnar av UEFA-cupen: 1985 og 1986 med Real Madrid
  • Spansk ligameister: 1986 og 1987 med Real Madrid

Trenar endre

Valdano leia som trenar Real Madrid til triumf i den heimlege ligaen. Sidan var han frå 1997 til 2005 sportsdirektør i den same klubben. Perioden 2009-11 var han generaldirektør i Real Madrid.

Kjelder endre