Just the Way You Are av Billy Joel
| Just the Way You Are Singel av Billy Joel frå albumet The Stranger | ||
| B-side |
«Get It Right the First Time» | |
|---|---|---|
| Språk | engelsk | |
| Utgjeve | September 1977 | |
| Innspelt | 1977 | |
| Sjanger | Poprock, softrock | |
| Lengd | 4:47 (album); 3:36 (singel) | |
| Selskap | Columbia | |
| Komponist | Billy Joel | |
| Tekstforfattar | Billy Joel | |
| Låtskrivar(ar) | Billy Joel | |
| Produsent | Phil Ramone | |
| Billy Joel-kronologi | ||
| «The Entertainer» (1974) |
Just the Way You Are | «Movin' Out (Anthony's Song)» (1977)
|
«Just the Way You Are» er ein song av Billy Joel og det tredje sporet frå albumet The Stranger frå 1977. Det var den første singelen til Joel som nådde topp 10 på singellista i USA med ein tredjeplass. Songen gjekk òg inn på topp 20 i Storbritannia og vart den første singelen hans som selde til gullplate i USA. «Just the Way You Are», som vann Grammyprisen i 1979 for årets plate og årets song, vart eit vendepunkt i karrieren til Joel. «Just The Way You Are» låg inne på topp 10 i USA i 27 veker, like lenge som den siste topp 10-singelen hans, «The River of Dreams» gjorde.
Bakgrunn
endreI eit intervju på Howard Stern Radio Show den 16. november 2010, avslørte Joel at inspirasjonen for melodien (meir spesifikt namnet på songen og korleis det høyrtes ut i refrenget) var henta direkte frå den siste linja i Frankie Valli and the Four Seasons-songen «Rag Doll;» som òg vart inspirasjon for ein seinare Joel-song, «Uptown Girl».[1] Songen, som Joel hadde skrive for den første kona si, Elizabeth Weber, vart ikkje likt av verken Joel eller bandet hans, og Joel hadde opphavleg valt å ikkje ha han med på albumet. Joel har fortalt at både Linda Ronstadt og Phoebe Snow (som spelte inn musikk nabostudioet i same bygningen) meinte at Joel burde ta songen med, og han endra meining.[2] Produsenten på albumet, Phil Ramone, fortel derimot ei anna historie, og hevdar at dei rett og slett ikkje kunne ta bort songen fordi Joel ikkje hadde nok songar til å utgjere eit heilt album.[3]
Etter at Joel og Weber skilde seg i 1982, spelte Joel sjeldan songen på konsertane sine før 2000-åra. Han har fortalt at under framføringar av songen i tida rundt skilsmissen hans, så song trommeslagar hans Liberty DeVitto på tull teksten i refrenget som «She got the house. She got the car.»[4]
Då «Just the Way You Are» vart gjeven ut som singel vart han forkorta med over eitt minutt. Skilnaden er at andre verset er fjerna og ein tidlegare uttoning. Eit konsertopptak av songen vart nytta som musikkvideo. Den 18. februar 1978 nådde songen tredjeplassen på singellista og Joel framførte ein kortare versjon av songen som musikalsk gjest den dagen på Saturday Night Live (i lag med «Only the Good Die Young»). Singelversjonen var med på den første utgåva av Greatest Hits Volume I & Volume II, men den fulle albumversjonen vart nytta på seinare utgåver av samlinga.
Songen har ein altsaksofonsolo på slutten. Soloen vart spelt av Phil Woods, ein kjend jazzsaksofonist. Woods vart kritisert av somme puritanarar i jazzmiljøet for å ha spelt med ein rockeartist, men framføringa eksponerte han for eit større publikum og introduserte musikken hans for rockefans.[5]
Innhald
endre- 7" U.S. and UK singel (1977)
- «Just the Way You Are» - 3:27
- «Get It Right the First Time» - 3:54
Lister
endre| Liste (1978) | Plassering |
|---|---|
| Australia (ARIA)[6] | 6 |
| Canada (RPM)[7] | 2 |
| Irland (IRMA) | 7 |
| New Zealand (RIANZ)[8] | 6 |
| Sør-Afrika (RiSA)[9] | 6 |
| UK Singles (Official Charts Company)[10] | 19 |
| US Billboard Hot 100[11] | 3 |
| US Billboard Easy Listening[12] | 1 |
Andre versjonar
endreSongen har blitt spelt av mange andre musikarar, som José José, Mina, Barry White, Isaac Hayes, Diana Krall, Ahmad Jamal, Shirley Bassey, Rosemary Clooney, Frank Sinatra, Jose Feliciano, Harry Connick, Jr., The Hi-Lo's,[13] besetninga i Glee, Engelbert Humperdinck, Johnny Mathis, og dottera til Joel, Alexa Ray. Joel har framført songen som ein duett på konsertar med Elton John.
Kjelder
endre- Denne artikkelen bygger på «Just the Way You Are av Billy Joel» frå Wikipedia på engelsk, den 28. august 2014.
- Wikipedia på engelsk oppgav desse kjeldene:
- ↑ [1] Billy Joel interview on The Howard Stern Show (11/16/10)
- ↑ Billy Joel - The Republican Interview
- ↑ The Stranger: 30th Anniversary Edition. «Making of The Stranger Documentary. 2008
- ↑ Rose, Charlie. «Billy Joel Interview.» The Charlie Rose Show, 1993.
- ↑ Gordon Bock, «Phil Woods' Sax Keeps Showing Up.» Dallas Morning News, August 6, 1978, p. 8 C.
- ↑ "Australian-charts.com – Billy Joel – Just the Way You Are". ARIA Top 50 Singles. Hung Medien.
- ↑ Collectionscanada.gc.ca
- ↑ "Charts.org.nz – Billy Joel – Just the Way You Are". Top 40 Singles. Hung Medien.
- ↑ «"Just the Way You Are»». Springbok Radio. July 28, 1978. Henta September 25, 2010.
- ↑ "Chart Stats – Billy Joel – {{{song}}}" UK Singles Chart. Chart Stats.
- ↑ "Joel?f=379&g=Singles Billy Joel Album & Song Chart History" Billboard Hot 100 for Billy Joel. Prometheus Global Media.
- ↑ Whitburn, Joel (2002). Top Adult Contemporary: 1961-2001. Record Research. s. 127.
- ↑ Lewis, Don. «Easy Listening: A Hi-Lo's High" Arkivert 2016-04-03 ved Wayback Machine.. The Milwaukee Journal. July 19, 1981. Henta 28. august 2014.