Kafr Shams
Kafr Shams (arabisk كفر شمس, òg skrive Kfar Shams eller Kafr ash-Shams) er ein liten by sør i Syria som administrativt høyrer til Al-Sanamayn-distriktet i Daraa guvernement. Han ligg 16 km nordvest for al-Sanamayn, like aust for Golanhøgdene og mellom Damaskus og Daraa. I 2004 hadde Kafr Shams i følgje Statistisk sentralbyrå i Syria eit folketal på 12 435.[1]
| Kafr Shams | |||
| كفر شمس | |||
| landsby | |||
| Land |  Syria
| ||
|---|---|---|---|
| Guvernement | Daraa guvernement | ||
| Distrikt | Al-Sanamayn-distriktet | ||
| Nahiyah | Al-Sanamayn | ||
| Høgd | 800 moh. | ||
| Koordinatar | 33°7′N 36°7′E / 33.117°N 36.117°E | ||
| Folketal | 12 435 (2004)[1] | ||
| Tidssone | EET (UTC+2) | ||
 Kafr Shams 33°07′00″N 36°07′00″E / 33.11666667°N 36.11666667°E | |||
  Kart som viser Kafr Shams.
| |||
Historie
endreKafr Shams opplevde kraftig veks under bysantinsk styre, særleg under regjeringstida til Justinianus I av Austromarriket, hovudsakleg store hus på landsbygda.[2] Byen vart dominert av ghassanidane, eit arabisk kristent vasall-kongedøme under bysantinarane. Ghassanidane bygde eit stort monofysittistisk kloster der kring 570 evt.[3]
I 1870-åra rapporterte Palestine Exploration Fund at Kafr Shams hadde 600 muslimar som levde i 120 til 130 hus. Dei noterte seg eldgamle ruinar og underjordiske bogar i landsbyen og to ghassanidiske kloster var framleis stort sett intakt.[4]
Under Yom Kippur-krigen i 1973 var Kafr Shams åstad for kampar mellom den israelske hæren og ein samla styrke frå den jordanske, irakiske og syriske hærane.[5]
Mange av innbyggjarane i Kafr Shams har delteke i demonstrasjonane mot den syriske regjeringa som ein del av den syriske borgarkrigen.[6]
Kjelder
endre- Denne artikkelen bygger på «Kafr Shams» frå Wikipedia på engelsk, den 5. juli 2014.
- Wikipedia på engelsk oppgav desse kjeldene:
- Jairus, Banaji (2007). Agrarian Change in Late Middle Ages: Gold, Labour, and Aristocratic Dominance. Oxford University Press. ISBN 0199226032.
- Palestine Exploration Fund (1897). Quarterly statement. Published at the Fund's Office.
- Shahid, Irfan (2002). Byzantium and the Arabs in the Sixth Century: pt. 1, Toponymy, Monuments, Historical Geography, and Frontier Studies. Dumbarton Oaks Research Library and Collection. ISBN 0884022145.
- ↑ 1,0 1,1 Folketeljing 2004. Syrisk statistisk sentralbyrå (CBS). Daraa guvernement. (arabisk)
- ↑ Banaji, s.17.
- ↑ Shahod, s.203.
- ↑ Palestine Exploration Fund, s.194.
- ↑ Thompson, s.235.
- ↑ Syrian protest amid reports of army push on Deraa. The Daily Telegraph. 2012-03-05.