Kakiplomme
Kakiplomme | ||
| ||
Systematikk | ||
Rike: | Plantae | |
Klasse: | Eudicotyledonae | |
Orden: | Ericales | |
Familie: | Ebenaceae | |
Slekt: | Diospyros | |
Art: | Diospyros kaki | |
Vitskapleg namn | ||
Diospyros kaki |
Kaki, kakifrukt eller kakiplomme er gule eller raude bær som kan minna om tomatar. Dei er også kjende under namna persimon og den særskilde typen sharon.
Kakitreet kjem frå Aust-Asia og høyrer til ibenholtfamilien, og frukta har vore mykje dyrka i Kina, Korea og Japan. Det blir også dyrka i California, middelhavslanda og i høgareligande tropiske område.
Kakiplommer inneheld opptil 20 % sukker, mykje A-vitamin, noko kalium og C-vitamin.
Kakifrukt blir ofte hausta umogen, og inneheld då mykje garvesyre som gjev ein beisk smak. Ho kan mognast i romtemperatur, og går då frå å vera gule og sure til å vera raude og søte. Fruktkjøtet er saftig og kan minna om gelé. Kakifrukt held seg ikkje så lenge, og blir ofte tørka.
Sharon-typen inneheld ikkje garvesyre, og kan dermed etast utan ettermogning. Denne frukta blei utvikla i Israel og har namn etter Sharon i Israel.
KjelderEndra
- «kaki – bær» i Store norske leksikon, snl.no.
- «Sharon» Arkivert 2008-12-23 ved Wayback Machine. ved frukt.no
BakgrunnsstoffEndra
- PERSIMMON Arkivert 2016-10-25 ved Wayback Machine. ved crfg.org