Kaposvár

Kaposvár (tysk Kopisch, Ruppertsberg, Ruppertsburg, kroatisk Kapošvar, Kapuš(ar), Kapušvar, tyrkisk Kapoşvar, serbisk Kapošvar eller Капошвар) er ein by i Ungarn, og hovudstad i fylket Somogy. Han ligg 186 km sørvest for Budapest ved elva Kapos.

Kaposvár
Flagget til Kaposvár Byvåpenet til Kaposvár
Plassering
Styresmakter
Land Region Megye	Ungarn Sør-Transdanubia Somogy
Først nemnd i	1009
Geografi
Flatevidd  - By	113,59 km²
Innbyggjarar  - By (2005)    - folketettleik	67 954   598/km²
Koordinatar	46°22′00″N 17°47′00″E
Høgd over havet	82 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	7400
Telefon-retningsnummer	82
Heimeside: www.kaposvar.hu

Historie

I følgje segna vart byen grunnlagd på sjå åsar. Området har vore busett dei siste sju tusen åra. Rundt år 400 fvt. var keltarar busett i området.

Byen vart først som Kapos i dokument frå bispedømet Pécs i 1009. Den rektangulære motteborga vart rekonstruert som ei steinborg på 1400-talet. Borga vart øydelagd i 1702 etter ordre frå Leopold I av Det tysk-romerske riket.

Osmanarane erobra byen etter ei fem dagar lang omleiring i 1555. Han vart frigjort frå det osmanske styret i 1686.

I 1749 vart Kaposvár fylkeshovudstad. På 1800-talet utvikla byen seg kraftig sidan han låg ved jernbanen mellom Budapest og Zagreb. Kaposvár vart ein viktig industriby.

I 1950 vart landsbyen Kaposszentjakab ein del av byen og i 1973 òg landsbyane Kaposfüred, Toponár og Töröcske.

I 1990 fekk Kaposvár, som ein by med meir enn 50 000 innbyggjarar, status som by med fylkesrettar. Sidan 1993 har han vore sete for ein biskop. Universitetet i Kaposvár vart grunnlagd i 2000.

Kjelder

• Denne artikkelen bygger på «Kaposvár» frå Wikipedia på engelsk, den 28. september 2007.

Bakgrunnsstoff

• Historia til byen Arkivert 2005-03-05 ved Wayback Machine.
• Luftfoto av Kaposvár