Karl-Heinz Rummenigge
Karl-Heinz Rummenigge (fødd 25. september 1955) er ein tysk tidlegare fotballspelar frå Lippstadt som vart europameister i 1980, og vann VM-sølv både i 1982 og 1986, med Vest-Tyskland. Som klubbspelar hadde han stor suksess som angripar hos FC Bayern München. Både i 1980 og 1981 vart han kåra til årets fotballspelar i Europa.
 | |||
| Personleg informasjon | |||
|---|---|---|---|
| Fullt namn | Karl-Heinz Rummenigge | ||
| Fødselsdato | 25. september 1955 (68 år) | ||
| Fødestad | Lippstadt i Vest-Tyskland | ||
| Høgd | 182 cm | ||
| Posisjon | Angrepsspelar | ||
| Seniorkarriere* | |||
| År | Lag | Kampar | (Mål) |
| 1974-1984 | Bayern München | 310 | (162) |
| 1984-1987 | Inter | 64 | (24) |
| 1987-1989 | Servette | 50 | (34) |
| Totalt | 424 | (220) | |
| Landslag | |||
| 1976-1986 | Vest-Tyskland | 95 | (45) |
| * Seniorklubbkampar og mål berre telt for nasjonal liga | |||
Karriere endre
Klubbspel endre
Rummenigge debuterte for Bayern München i 1974. Våren 1976 var han med i fyrsteellevaren då Bayern tok sin tredje rake siger i Europacupen ved å slå AS Saint-Étienne med 1-0 på Hampden Park i Glasgow. Både i 1980 og 1981 var Rummenigge sentral for Bayern då klubben vann bundesligaen begge åra. Begge sesongane var han toppskårar i den tyske serien, og begge åra var han kåra til å vere Europas beste fotballspelar. Sidan var han med å vinne den tyske cupmeisterskapen både 1982 og 1984.
Sommaren 1984 vart han overført til Inter. Han lukkast ikkje nå sitt gamle bestenivå i Milano-klubben, og var plaga av skadar. Rummenigge avslutta si aktiv tid med to sesongar, 1987-89, i Servette Geneve. Han vart målkonge i sin fyrste sesong for Servette, utan at klubben vann nokon meistertittel.
Landslagsspel endre
Rummenigge fekk sin landslagsdebut 6. oktober 1976, då Vest-Tyskland vann 2-0 over Wales. Frå 1978 til 1986 var han med i samtlege tre fotball-VM og to fotball-EM i perioden. Då Vest-Tyskland vann EM i fotball 1980 vart han kåra til beste spelaren i meisterskapen. Både under VM i fotball 1982 og VM i fotball 1986 var han kaptein for Vest-Tyskland, som ved begge høva spelate seg fram til VM-finale. I 1982 vart det tap 1-3 mot Italia, fire år seinare var det Argentina som vart for sterke og sigra med 3-2. Rummenigge spelte sin 95. og siste landskamp i nettopp 1986-finalen. Han hadde då skåra 45 landslagsmål.
Rummenigge har sidan 2002 vore styreleiar i FC Bayern München.
Kjelder endre
- Denne artikkelen bygger på «Karl-Heinz Rummenigge» frå Wikipedia på tysk, den 26. juli 2015.