Kaw-Liga
| Kaw-Liga av Hank Williams frå albumet The Memorial Album | ||
| B-side | ||
|---|---|---|
| Språk | engelsk | |
| Utgjeve | Januar 1953 | |
| Innspelt | September 1952 | |
| Sjanger | Country | |
| Lengd | 2:34 | |
| Komponist | Fred Rose, Hank Williams | |
| Tekstforfattar | Fred Rose, Hank Williams | |
| Låtskrivar(ar) | Hank Williams og Fred Rose | |
| Hank Williams-kronologi | ||
| «You Win Again» (1952) |
Kaw-Liga | «Take These Chains from My Heart» (1953)
|
«Kaw-Liga» er ein countrysong skriven av Hank Williams og Fred Rose. Akkompagnert av Drifting Cowboys spelte Hank Williams inn songen i Nashville i september 1952 og singelen vart gjeve ut posthumt i januar 1953 på MGM Records. Han vart først gjeven ut av Champ Butler. Songen låg på toppen av Billboard Country-lista i 14 veker. B-sida, «Your Cheatin' Heart, låg seks veker på toppen av country-lista.[1] Kawliga er ein stad sentralt i Alabama ved Lake Martin. Han er kalla opp etter ein legendarisk indianarar som det står ein trestatue av nær innsjøen. Songen vart skriven av Williams då oppheldt seg i ei hytte her.
Song
endre«Kaw-Liga» er ein song om ein treindianar, Kaw-Liga, som vart forelska i ei «indiansk kvinne i ein antikvitetsforhandlar» men fortel ho ikkje dette, som teksten seier:
- Too stubborn to ever show a sign,
- Because his heart was made of knotty pine.
Indianarkvinna ventar på eit teikn frå Kaw-Liga, men han anten nektar eller er for fysisk/kjenslemessig ustabil, som ein stoisk stereotypisk indianar.[2] Songen endar med at indianarkvinna vert kjøpt og ført bort frå antikvitetsforretninga og Kaw-Liga endar opp aleine,
- As lonely as can be,
- And wishes he was still an ol' pine tree.
Andre versjonar
endreSonen til Hank Williams, Hank Williams jr., spelte inn ein versjon som nådde 12. plassen på Billboard country singles-lista sommaren 1980.
«Kaw-Liga» er òg blitt spelt av andre artistar som Charley Pride, Roy Orbison, Marty Robbins, Loretta Lynn, Boxcar Willie, Johnny Cash, Don McLean, Big Sandy & His Fly-Rite Boys, New Riders of the Purple Sage og Jayke Orvis & the Broken Band.
Avantgarde-bandet The Residents spelte inn songen for albumet Stars & Hank Forever: The American Composers Series, og erstatta musikken med basslinja frå Michael Jackson sin «Billie Jean». Dette var truleg ein referanse til kona til Williams som heitte Billie Jean.
Kjelder
endre- Denne artikkelen bygger på «Kaw-Liga (song)» frå Wikipedia på engelsk, den 1. mars 2015.
- Wikipedia på engelsk oppgav desse kjeldene:
- ↑ Jim Dawson, & Steve Propes (1992). What Was the First Rock'n'Roll Record. Boston & London: Faber & Faber. s. 111–114. ISBN 978-0-571-12939-3.
- ↑ Kaw-Liga, arkivert frå originalen 1. november 2006, henta 1. mars 2015