Ketil Gjessing

Ketil Gjessing, (fødd 18. februar 1934 i Oslo) er ein norsk lyrikar. Han er utanna mag.art. og cand. philol. med litteraturvitskap (hovudfag), engelsk og musikk ifrå Universitetet i Oslo 1965.

Ketil Gjessing
Statsborgarskap	Noreg
Fødd	18. februar 1934 (90 år) Oslo
Yrke	lyrikar

Arbeid

Gjessing jobba som lærar i norsk ved Atlantic College i St. Donat´s South Wales, i England 1965-1966; Gjessing jobba som programsekretær i NRK Radioteatret frå 1966. Han er no pensjonist.

Organisasjonsmedlemskap: Den norske forfatterforening, Norsk forfattersentrum, Norsk oversetterforening, Språkleg samling, Folkereising mot krig, Norsk tjenestemannslag. Redaksjonsmedlem i Pax og Profil.

Utgjevne dikt:

• Kransen om et møte - 1962
• Frostjern - 1968
• Private steiner - 1970
• Utgående post - 1975
• Snøen som faller ifjor - 1977
• Bjelle, malm - 1979
• Vinger, røtter - 1982
• Slik pila synger i flukten - 1985
• Nådefrist - 1988

Ein del dikt og artiklar har blitt publiserte i Edda, Pax, Profil, Samtiden, Vinduet og andre tidsskrift, også i utlandet, og i ein del aviser.

Han har vore representert i fleire antologiar, med novelle i Norske sengehester (1966, også på japansk og svensk), og med dikt i Ti unge, Nye navn i norsk kunst, I grenselandet, Amor Roma, La hundre blomster blomstre, Moderne norsk lyrikk og andre, også ein slovakisk antologi over norsk lyrikk. Fleire omsetjingar av høyrespel frå engelsk og spansk, alt i hovudsak frå den tredje verda, mellom anna Soyinka, samt høyrespelversjonar av scenedramatikk, dessutan dramatisering for radio av novella «Kjenner du når jeg gjør slik» (Robert Sheckley).

Prisar og utmerkingar

• Gyldendals legat 1982
• Språklig samlings litteraturpris 1994

Kjelde

• Leif Gjessing. Grømstad Gjessingene og dets etterkommere i 300 år: Ei slektsbok som består av innsendte bidrag frå dei som blir omtala.