Kfar Yona

	Kfar Yona
	lokal kommune
Land	Israel
Distrikt	Sentral
Koordinatar	32°19′1.57″N 34°56′8.74″E / 32.3171028°N 34.9357611°E
Areal	11 km²
Folketal	17 600 (2009)
Folketettleik	1 600 / km²
Grunnlagd	23. januar 1932
• Bystatus	1940
Borgarmeister	Efraim Deri
	; Kfar Yona; 32°18′54″N 34°55′58″E / 32.315°N 34.932777777778°E
	Kart som viser Kfar Yona. Kart som viser Kfar Yona.
	Wikimedia Commons: Kfar Yona

Kfar Yona (hebraisk skrift כְּפַר יוֹנָה) er ein by (lokal kommune) i Sharon-regionen i Sentral-Israel i Israel. Han ligg 7 km aust for Netanya.^[2] I 2008 var folketalet 16 100,^[1] over eit område på kring 11 km².^[3]

Historie

Kfar Yona vart grunnlagd på landområde kjøpt på Sharonsletta i 1932 frå Mustafa Bushnaq og Shanti-familien frå Qalqiliya.^[4]

Kfar Yona (Yona-landsbyen) er kalla opp etter Jean (Yona) Fischer, ein belgisk sionist.^[5] Han vart grunnlagd den 23. januar 1932 av Morris Fischer, son av Yona, og medlem av World Jewish Congress, og heitte opphavleg Gan Yona (Yona-hagen).

Under den arabisk-israelske krigen i 1948 låg Kfar Yona ved frontlinjene og forsvararane av landsbyen var vendt mot den irakiske hæren, som prøvde å nå Netanya og kutte dei jødiske styrkane i Israel i to. Det nye israelske forsvaret tvinga irakarane attende til fjella i Samaria, men Kfar Yona vart verande den austlegaste jødiske busetnaden i området. Som følgje av våpenkvileavtalen i 1949 vart grensa flytta frå Kfar Yona og 8 km austover, til like vest for Tulkarm.^[5]

Kfar Yona var omgjeve av frukthagar og hovudnæringa var dyrking av appelsinar. Dei fleste av desse frukthagane er no byta ut med nye bustadområde.

Like ved Kfar Yona ligg Område 21 militærbase, kalla opp etter Mota Gur, som omfattar fallskjermjegerar, Nahal, militærpolitiet og andre små basar. I tillegg grensar Kfar Yona til Pardesiya og Lev HaSharon regionale kommune.