Kielkanalen
Kielkanalen (tysk Nord-Ostsee-Kanal) er ein skipskanal som bind saman Austersjøen ved Kiel med Elben ved Brunsbüttel i Ditmarsken. Med 34 879 skipspassasjerar (2012) er han verdas mest trafikkerte kanal.[1]
| Kielkanalen | |||
 Slusene ved Brunsbüttel
| |||
| Land |  Tyskland
| ||
|---|---|---|---|
| Del av | Austersjøen | ||
| Lengd | 98 km | ||
| Type | kanal | ||
 Kielkanalen 53°53′00″N 9°08′00″E / 53.883333333333°N 9.1333333333333°E | |||
 | |||
 | |||
| Wikimedia Commons: Kiel Canal | |||
Kanalen gjev ei enklare rute mellom Austersjøen og Nordsjøen, eit fartøy sparer 280 nautiske mil (519 kilometer) sammenlikna med å runda Jylland. I dag har kanalen ei fri seglingshøgd på 40 meter og tillèt skip med breidder på opptil 32,5 meter og djupner på 9,5 meter.
Historie endre
Kanalen blei laga for å erstatta Eiderkanalen, som ikkje hadde kapasitet til å handtera den stadig aukende dampskiptrafikken. Arbeidet byrja i 1887 under regjeringa til keisar Vilhelm I, og blei innvigd 21. juni 1895 av sonesonen hans, Vilhelm II. Kanalen var opphavleg 67 meter brei og 9 meter djup, men i perioden 1907–1914 bleu han utvida til 102 meters breidd og 11 meters djupne.
Fram til 1948 blei kanalen kalla Kaiser-Wilhelm-Kanal, men etter andre verdskrigen fekk han det meir nøytrale namnet «Nord-Ostsee-Kanal», forkorta NOK av tysk sjøfart. På andre språk bruker ein ofte namnet «Kielkanalen» etter hamna i den nord-austlege enden av kanalen.
Kjelder endre
- ↑ «Kiel-Canal-Info». Wasser- und Schifffahrtsdirektion Nord, Kiel. 2012. Arkivert frå originalen 6. juni 2013. Henta 11. juni 2013.
- Denne artikkelen bygger på «Kielkanalen» frå Wikipedia på bokmål, den 26. juni 2014.
Bakgrunnsstoff endre
- Offisiell nettstad Arkivert 2009-03-10 ved Wayback Machine. (engelsk)
- «Kiel-Canal Transit In 9 Minutes» Arkivert 2011-07-19 ved Wayback Machine., film av UNITED CANAL AGENCY.
- Film om eit konteinerskip som går gjennom kanalen. Arkivert 2016-03-04 ved Wayback Machine.