Klippedomen
Klippedomen (arabisk قبة الصخرة Qubbat As-Sakhrah, hebraisk כיפת הסלע Kippat ha-Sela) er ein muslimsk heilagdom i Gamlebyen i Jerusalem. Han er ein åttekanta bygning med forgylla kuppel som er reist på staden profeten Muhammed skal ha reist til himmelen frå. Bygningen blei opphavleg fullført under omajadekalifen Abd al-Malik, og er med dette eit av dei eldste døma på islamsk arkitektur.[1]
| Klippedomen | |||
 | |||
| Stil | umajjade-kunst | ||
|---|---|---|---|
 Klippedomen 31°46′41″N 35°14′07″E / 31.778055555556°N 35.235277777778°E | |||
-Temple_Mount-Dome_of_the_Rock_(SE_exposure).jpg)
Klippedomen er eit kjennemerke for Jerusalem,[2] og er som del av Gamlebyen med på UNESCO si liste over verdsarv, saman med mellom anna Vestmuren (Klagemuren) og Gravkyrkja i nærleiken.[3]
Domen blir ofte omtalt som Klippemoskeen, men er ikkje eigentleg ein moské. Han ligg like ved al-Aqsa-moskeen på Tempelhøgda, som er den tredje mest heilage staden i islam, etter Mekka og Medina, i tillegg til å vera heilag også for jødar og kristne. Staden han er bygd på husa tidlegare eit romersk tempel til Jupiter Capitolinus, og før dette Det andre jødiske tempelet i Jerusalem. Ifølgje jødisk tradisjon er domen reist over klippa patriarken Abraham ville ofra Isak på.[4]
Bygget blei truleg reist frå 687 til 691. Den opphavlege kuppelen kollapsa i 1016 og blei bygd opp att i 1021.
Galleri
endre-
Klippa i Klippedomen. -
Nedredelen av klippa. -
Mosaikk inne i Klippedomen. -
Mosaikk på utsida.
Kjelder
endre- ↑ Slavik, Diane (2001). Cities through Time: Daily Life in Ancient and Modern Jerusalem. Geneva, Illinois: Runestone Press. s. 60. ISBN 978-0-8225-3218-7.
- ↑ Goldberg, Jeffrey (29 January 2001). «Arafat's Gift». The New Yorker. Henta 11 July 2015.
- ↑ «UNESCO World Heritage».
- ↑ Sidsel Wold, – Å bygge et nytt tempel er å be om en katastrofe, NRK.no
- Denne artikkelen bygger på «Klippedomen» frå Wikipedia på bokmål, og «Dome of the Rock» frå Wikipedia på engelsk den 19. desember 2016.
