Kolymaelva

Kolyma (russisk Колыма) er ei elv nordaust i Sibir, som renn gjennom republikken Sakha, Tsjukotka autonome okrug, og Magadan oblast i Russland. Elva er 2129 km lang og har eit nedslagsfelt på 643 000 km².

Kolyma
elv
Debin gjennom morgontåka over Kolyma i 2004
Land	Russland
Nedslagsfelt	643 000 km²
Lengd	2 129 km
Munning	Aust-Sibir-havet
Kolymaelva 62.2919°N 147.7325°E / 62.2919; 147.7325
Nedslagsfeltet til Kolyma Nedslagsfeltet til Kolyma
Wikimedia Commons: Kolyma River

Elva spring ut i fjella nord for Okhotsk og Magadan i området rundt 62°N 149°E og munnar ut i Kolymabukta (Kolymskij Zaliv) i Aust-Sibir-havet ved 69°30′N 161°30′E.

Kolyma er dekt av eit fleire meter tjukt islag om lag 250 dagar av året og er berre isfri frå tidleg i juni til oktober.

Historie

I 1892-1894 gjorde Baron Eduard Von Toll geologiske undersøkingar i området rundt Kolyma, samt fleire andre store elvar i Sibir, på vegner av Det russiske vitskapsakademiet. I løpet av eitt år og to dagar dekte ekspedisjonen 25 000 km, der 4200 km var opp og ned elvar, medan dei gjorde geodesiske undersøkingar.

Kolyma er kjend for gulagen som låg her, og for gullgraving. Etter at arbeidsleiren stengde har den lokale industrien og kommunikasjonen nesten forsvunne og mange folk har flytta frå området. Dei som er att lever hovudsakleg av fiske og jakt.

Kolyma-munningane

Dei siste 75 kilometrane av Kolyma deler ho seg i to store greiner. Det er mange øyar i munningen av Kolyma før ho møter Aust-Sibir-havet. Dei største av desse er:

• Mikhalkino 69.416°N 151.255°E / 69.416; 151.255 er den største øya, og ligg vest for den austlege greina av Kolyma, kalla Prot. Kammennaja Kolyma. Denne øya bryt sundt til fleire mindre øyar i nord. Ho er 24 km lang og 6 km brei. Mikhalkino vert òg kalla Glasevmorputøya etter Sjefsdirektoratet for Nordaustpassasjen.
• Sukharnyj eller Sukhornyj ligg 3 km frå nordaustsida av Mikhalkino. Ho er 11 km lang og om lag 5 km brei. Nordaust for Sukhornyj ligg ei gruppe småøyar kalla Morskije Sotki-øyane.
• Piat' Pal'tsov ligg 5 km søraust for sørenden av Sukhornyj. Ho er 5 km lang og opp mot 1,8 km brei.
• Nazarovskijøya 69.533°N 161.086°E / 69.533; 161.086 ligg på vestsida av den vestlege greina til Kolyma, Prot. Pokhodskaja Kolyma, i eit område med mange småøyar. Ho er 4,5 km lang og 1,3 km brei.
• Sjtormovojøya 69.666°N 161.031°E / 69.666; 161.031 ligg utanfor kysten, om lag 10 km nord for Nazarovskijøya. Sjtormovoj er den nordlegaste av øyane i munningen til Kolyma og er 4,3 km lang og 1,5 km brei.

Kjelder

• Denne artikkelen bygger på «Kolyma River» frå Wikipedia på engelsk, den 30. oktober 2008.
  • Wikipedia på engelsk oppgav desse kjeldene:
• William Barr, Baron Eduard von Toll’s Last Expedition: The Russian Polar Expedition, 1900-1903 (1980). [1]
• Sjalamov, Varlam Tikhonovitsj (1994) Kolyma tales [Kolymskie rasskazy], Glad, John (transl.), Penguin twentieth-century classics, Harmondsworth : Penguin, ISBN 0-14-018695-6
• Once-cursed Gulag river now Siberian lifeline: [2] Arkivert 2007-08-18 ved Wayback Machine.
• Strandberg, Mikael og Johan Ivarsson reiste ned heile Kolyma i 2004.
• Posisjon og namn på øyane Arkivert 2008-01-09 ved Wayback Machine.

Bakgrunnsstoff

• Kart Arkivert 2005-04-08 ved Wayback Machine.
• Bilete av Mikhalkinoøya