Kristian Davidsson Edland (12. april 187424. oktober 1958) var ein norsk gardbrukar og politikar frå Mosterøy i Rogaland. Han var ordførar i Mosterøy 1925-31 og stortingsmann 1934-45 for Venstre.

Kristian Edland
Statsborgarskap Noreg
Fødd 12. april 1874
Mosterøy
Død

24. oktober 1958 (84 år)

Yrke politikar, bonde
Politisk parti Venstre

Edland var son til ein gardbrukar. Han var 1890/91 elev på amtsskulen i Ryfylke. Sidan arbeidde han på gard til han sjølv vart gardbrukar. Attåt var han aktiv ferdatalar for misjons- og fråhaldssaka. Han var såleis styremedlem i Ryfylke og Jærens Fellesforening av Indremisjonen, og dessutan formann i Stavanger og Ryfylke fylkesstyre av Det Norske Totalavholdsselskap.

Edland var medlem i heradsstyret for Mosterøy frå 1919 til 1931, varaordførar 1919-22 og ordførar 1925-31. Elles var han i si tid formann i skulestyret og 1929-34 i forliksrådet. Hausten 1933 stod han på andreplassen på Venstre si stortingsvalliste og lukkast få det siste Rogalands-mandatet. Tingbolken 1934-36 var han medlem i Kommunalkomiteen, etter attval sat han 1937-45 i Administrasjonskomiteen.

Kjelder endre