Kurt Oddekalv
Kurt Willy Oddekalv (27. juli 1957–11. januar 2021) var ein norsk miljøvernar og miljøaktivist. Han var aktiv i Norges Naturvernforbund, men vart ekskludert gjennom ei avrøysting etter intern usemje i 1993.[1] Han skipa deretter Norges Miljøvernforbund som han leidde frå oppstarten i 1993 og fram til han døydde.[2]
| Kurt Oddekalv | |
.jpg) | |
| Statsborgarskap | Noreg |
| Fødd | 27. juli 1957 Finnsnes |
| Død |
11. januar 2021 (63 år) |
| Yrke | miljøvernar, byggmeister |
| Medlem av | Norges Naturvernforbund |
| Kurt Oddekalv på Commons | |
Oddekalv var utdanna tømrar. Før Oddekalv vart miljøvernar på heiltid tidleg på 1990-talet, arbeidde han ti år som byggmeister. Han var òg innom Heimevernet. Då han var i militæret vart han sersjant og var ein periode befal for seinare statsminister Jens Stoltenberg.[3]
Oddekalv avslørte i 2015 at han trudde på chemtrails.[4] Han har òg stilt seg skeptisk til vaksinar og EMF-stråling.[5][6] Dei seinare åra av livet sitt leid han av fleire slag og trekte seg gradvis frå media.
Oddekalv døydde 11. januar 2021 etter å ha falle gjennom isen på Bahusvatnet nær heimen sin i Bergen kommune. Han vart 63 år gamal.[7][8]
Kjelder
endre- ↑ «Stort flertall for å kaste ut Oddekalv». Aftenposten. 23. juni 1993. s. 4.
- ↑ «17 år med eget forbund». Bergens Tidende. 14. desember 2009. s. 5.
- ↑ Intervju i tidsskriftet Megafon, Bergen, februar 2009
- ↑ «– Jeg vet at det har blitt sprayet mye». Telemarksavisa. 8. mai 2015.
- ↑ «Vaksineskeptikere mot vaksinelegen». Bergensavisen. 21. februar 2015.
- ↑ «Oddekalv har alliert seg med ekstreme!». Vepsen. 24. juli 2013.
- ↑ «Miljøaktivisten Kurt Oddekalv er død». Document. 11. januar 2021. Henta 12. januar 2021.
- ↑ «Kurt Oddekalv gikk gjennom isen og døde». VG. 11. januar 2021. Henta 12. januar 2021.