Last Time Around

Last Time Around Studioalbum av Buffalo Springfield
Språk	engelsk
Utgjeve	30. juli 1968
Innspelt	Februar 1967 — April 1968
Sjanger	Folkrock, psykedelisk rock, countryrock
Lengd	32:54
Selskap	Atco
Produsent	Jim Messina
Buffalo Springfield-kronologi
Buffalo Springfield Again (1967)	Last Time Around	Retrospective: The Best of Buffalo Springfield (1969)

Last Time Around er det tredje og siste studioalbumet til det amerikanske folkrockbandet Buffalo Springfield, gjeve ut i juli 1968. Det vart framført av Neil Young, Stephen Stills, Richie Furay, Dewey Martin, Bruce Palmer og Jim Messina, som òg var produsent og lydteknikar.

Historie

Last Time Around vart gjeven ut for å oppfylle platekontrakten til bandet. Då albumet kom ut var bandet oppløyst og biletet på omslaget var ein montasje og dei fem originale medlemmane spelte berre i lag på ein song, «On the Way Home». Den originale bassisten Bruce Palmer er berre med på «On the Way Home».

Teksten på «The Hour of Not Quite Rain» var eit resultat av ein konkurranse i august 1967 på ein radiostasjon i Los Angeles. Deltakarane kunne skrive eit dikt det skulle setjast musikk til og spelast inn av Buffalo Springfield. Premien var tusen dollar i tillegg til honorar som låtskrivar. Vinnarteksten var skriven av Micki Callen.

Albumet inneheld songar som vart viktige for låtskrivarane. Neil Young har framført både «I Am a Child» og «On the Way Home» på konsertar gjennom heile karrieren sin, både solo og i lag med Crosby, Stills, Nash & Young, The Transband og The Bluenotes. «Kind Woman» vart ein av dei mest kjende songane til Richie Furay. Han spelte songen med Poco og gjennom heile solokarrieren. Stephen Stills blanda «Questions» med ein ny song, «Carry On», som vart opningssporet på Déjà Vu og vart mykje spelt på konsertane til Crosby, Stills, Nash & Young.

Mottaking

I ei melding i Rolling Stone då albumet kom ut skreiv Barry Gifford at Last Time Around «er eit særs vakkert album» og «eit siste bevis på kor talentfulle dei er». Robert Christgau skreiv for Esquire og kalla det eit «vakkert avskjedsalbum» med «countrifisert musikk», der «countryelementa er innblanda i ein total stil». Richie Unterberger var mindre entusiastisk i ei einare melding for AllMusic. Han meinte at songane til Young på albumet var «eineståande», men meinte at songane til Stills var dårlegare enn dei han hadde skrive for dei førre albuma til bandet.

Innhald

Side ein

Nr.	Tittel	Låtskrivar(ar)	{{{extra_column}}}	Lengd
1.	«On the Way Home»	Young	Richie Furay, Neil Young	2:25
2.	«It's So Hard to Wait»	Furay, Young	Richie Furay	2:03
3.	«Pretty Girl Why»	Stephen Stills		2:24
4.	«Four Days Gone»	Stills	Stephen Stills	2:53
5.	«Carefree Country Day»	Jim Messina	Jim Messina	2:35
6.	«Special Care»	Stills	Stephen Stills	3:30

Side ein

Nr.	Tittel	Låtskrivar(ar)	{{{extra_column}}}	Lengd
7.	«In the Hour of Not Quite Rain»	Callen, Furay	Richie Furay	3:45
8.	«Questions»	Stills		2:52
9.	«I Am a Child»	Young	Neil Young	2:15
10.	«Merry-Go-Round»	Furay	Richie Furay	2:02
11.	«Uno Mundo»	Stills	Stephen Stills	2:00
12.	«Kind Woman»	Furay	Richie FUray	4:10

Medverkande

Buffalo Springfield

• Richie Furay - gitar (1,2,3,8,10,11,12), vokal (1,2,3,5,7,10,12)
• Dewey Martin - trommer (1,2,3,9,11)
• Jim Messina - bass, vokal (5,12)
• Stephen Stills - gitar (1,2,3,4,6,8,10,11), piano (4,6,8), B3 orgel (6,8,11), bass (6,8), clavinet (8), vibrafon (1), perkusjon (11), handklapping (11), korvokal (1,5,8,10), vokal (3,4,6,8,11)
• Neil Young - gitar (3,4,9,10), munnspel (9), piano (1), korvokal (1), vokal (9), er deltakande på (5)
• Bruce Palmer - bass (1)

Andre medverkande

• Buddy Miles - trommer (6)
• Jimmy Karstein - trommer (8,10)
• Gary Marker : bass (9)
• Jeremy Stuart - cembalo, damporgel, bjøller (10)
• Rusty Young - pedalsteelgitar (12)
• Richard Davis - bass (12)
• ukjend - blåsarar (1), saksofon, klarinett (2), trommer (4), bass, trommer, cembalo, orkester (7), piano, trommer (12)

Produsent

• Producer: Jim Messina
• Lydteknikarar: Adrian Barber, Phil Iehle, Jim Messina

Salslister

Liste (1968)	Plassering
Billboard Pop Albums	42

Kjelder

• Denne artikkelen bygger på «Last Time Around» frå Wikipedia på engelsk, den 23. oktober 2010.
  • Wikipedia på engelsk oppgav desse kjeldene: