Lena Meyer-Landrut

Lena Meyer-Landrut, kjend som Lena, (fødd 23. mai 1991 i Hannover) er ein tysk songar. I mai 2010 gav ho ut debut-cd-en My Cassette Player som selde svært godt i Tyskland.

Lena Meyer-Landrut
Fødd	23. mai 1991
Fødestad	Hannover i Tyskland
Fødenamn	Lena Meyer-Landrut
Alias	Lena
Opphav	Tyskland
Aktiv	2010–
Sjanger	pop, indiemusikk, indiepop
Instrument	piano, vokal
Stemmetype	mezzosopran
Plateselskap	Universal Music Group
Verka som	stemmeskodespelar, songar, komponist, skodespelar, pianist, modell, fjernsynsskodespelar, musikar, plateartist
Sambuar med	Mark Forster
Prisar	Echo Pop for beste kvinnelige popartist, Echo Pop for årets tyske videoklipp

Eurovision Song Contest 2010

Lena Meyer-Landrut vann Unser Star für Oslo og fekk representere Tyskland i Eurovision Song Contest 2010, der ho kom på 1. plass. Vinnarsongen hennar, «Satellite», skilde seg ut fordi Meyer-Landrut ikkje hadde noko sprakande danseshow eller sceneeffektar. Ho framførte songen i ein enkel, svart kjole med fire bakgrunnssongarar. Rytmen i songen var også litt uvanleg for Eurovision.

Sommaren 2010 var ho med i det norske fjernsynsprogrammet Allsang på grensen der ho song vinnarlåten frå Eurovision Song Contest 2010, «Satellite».

Eurovision Song Contest 2011

Seinare i 2010 var Meyer-Landrut med i programmet Unser Song für Deutschland der det tyske folket skulle velja kva for song ho skulle syngje då ho skulle representere Tyskland i Eurovision Song Contest 2011. Den nasjonale tyske uttakinga bestod altså utelukkande av ulke bidrag framført av Lena.

Vinnarbidraget vart songen «Taken By A Stranger», som ho representerte Tyskland med på nytt i Eurovision Song Contest 2011. Bidraget enda på ein 10. plass. I tillegg til å deltake song ho «Satellite» som opningsnummer saman Stefan Raab og delte ut vinnartrofeet til Ell & Nikki.

Eurovision Song Contest 2012

Som pausenummer i den andre semifinalen i Eurovision Song Contest 2012 framførte ho fyrst «Satellite» åleine og sidan «Waterloo», opphavleg framført av ABBA, saman med fire tidlegare vinnarar, Marija Šerifović, Dima Bilan, Alexander Rybak og Ell & Nikki.

Kjelder

• Denne artikkelen bygger på «Lena Meyer-Landrut» frå Wikipedia på engelsk, den 8. januar 2012.

• Denne artikkelen er basert på artikkelen Eurovision Song Contest 2012 frå Nynorsk Wikipedia .