Linn-Kristin Riegelhuth Koren

Linn-Kristin Riegelhuth Koren (fødd 1. august 1984) er ein norsk handballspelar som sidan 2002, med unnatak for 2009/10-sesongen, har spela for Larvik HK. Ho vart europacupmeister med klubben i 2008 og har vunne ni seriemeisterskap. Riegelhuth har i perioden 2004-11 vunne fire EM-gull, eitt OL-gull og eitt VM-gull med Noregs handballandslag. Riegelhuth, som ofte vert nemnd med kallenamnet Linka, er venstrehendt og spelar både på høgrekanten og som høgreback. Mellom 2003 og august 2012 har ho spela 211 landskampar og skåra 79o landslagsmål for Noreg.

Linn-Kristin Riegelhuth Koren
Statsborgarskap	Noreg
Fødd	1. august 1984 (40 år) Ski kommune
Yrke	handballspelar
Høgd	178 centimeter
Ektefelle	Einar Riegelhuth Koren
Linn-Kristin Riegelhuth Koren på Commons

Sidan 2011 er ho gift med den norske landslagspelaren i handball, Einar Koren. Betina Riegelhuth er hennar yngre syster.

Aktiv

Riegelhuth debuterte på Noregs landslag 23. september 2003 mot Kroatia, og skåra eitt mål. Sidan 2003 har ho vore med i Noregs tropp til alle meisterskap, med unnatak for VM 2005. Desse åra vann ho EM-gull i 2004 og 2006, VM-sølv i 2007, både OL- og EM-gull i 2008, VM-bronse i 2009, det fjerde rake EM-gullet i 2010, samt sitt fyrste VM-gull i 2011.

I OL-finalen 2008 spela Riegelhuth ein framifrå kamp og skåra ni mål på ti skot. I EM i desember same året vart toppskårar med 51 mål. Ho vart då teken ut på «allstar»-laget som den beste høgrekant-spelaren, noko ho også vart under verdsmeisterskapen 2009 i Kina.

Sesongen 2009/10 spela Riegelhuth for danske FCK Håndbold, ein klubb/firma som vart avvikla etter sesongslutt våren 2010. Ho vende då tilbake til Larvik HK. I det to meisterskaps turneringane, EM 2010 og VM 2011, låg hennar prestasjonar på eit lægre nivå enn før.

Merittar landslag

• VM 2003: Nr 6 med Noreg
• EM 2004: Gullmedalje etter 27–25 mot Danmark
• EM 2006: Gullmedalje etter 27–24 mot Russland
• VM 2007: Sølvmedalje etter 24–29 mot Russland
• OL 2008: Gullmedalje etter 34–27 mot Russland
• EM 2008: Gullmedalje etter 34–21 mot Spania
• VM 2009: Bronsemedalje etter 26–21 mot Spania
• EM 2010: Gullmedalje etter 25–20 mot Sverige
• VM 2011: Gullmedalje etter 32–24 mot Frankrike
• OL 2012: Gullmedalje etter 26–23 over Montenegro
• EM 2012: Sølvmedalje etter 31–34 mot Montenegro
• VM 2013: Nr 5 med Noreg
• EM 2014: Gullmedalje etter 28–25 mot Spania
• VM 2015: Gullmedalje etter 31–23 mot Nederland
• OL 2016: Bronsemedalje etter 36–26 mot Nederland

Kjelder

• Denne artikkelen bygger på «Linn-Kristin Riegelhuth» frå Wikipedia på bokmål, den 23. juli 2012.

Bakgrunnsstoff

• Profil hos FCK Håndbold
• Linn-Kristin U. Riegelhuth Landslagsprofiler hos Norges Håndballforbund
• (en) Linn-Kristin Riegelhuth Koren – Profil og resultatoversikt i olympiske konkurransar på sports-reference.com.