Lisbeth Broch
Lisbeth Broch (1. mai 1911–21. august 1991)[1] var ein norsk pedagog, politikar, kvinnesaksforkjempar og forfattar.
| Lisbeth Broch | |
| Statsborgarskap | Noreg |
| Fødd | 1. mai 1911 Trondheim |
| Død |
21. august 1991 (80 år) |
| Yrke | historikar, politikar, kvinnesaksforkjemper, skribent, skuleleiar |
| Politisk parti | Arbeidarpartiet |
| Medlem av | Mot Dag |
| Far | Erling Broch |
| Ektefelle | Vilhelm Evang |
Familie
endreLisbeth Broch var dotter av overrettsassessor, seinare høgsterettsdommar Erling Broch (1875–1941, av slekta Broch) og Anna Cecilie Munch-Petersen (1877–1957). Ho var brordotter av barnebokforfattaren, illustratøren og kvinnesaksforkjemparen Lagertha Broch (1864–1952), språkforskaren Olaf Broch (1867–1961), bustadsinspektør Nanna Broch (1879–1971) og zoolog og professor Hjalmar Broch (1882–1969). I 1938 blei ho gift med Vilhelm Andreas Wexelsen Evang (1909–83), seinare oberst og leiar av den norske militære etterretningstenesta.
Liv og virke
endreBroch vaks opp i Trondheim og Vestre Aker og tok Examen Artium frå reallinja ved Ris gymnas i 1930. I 1937 vart ho cand.philol. med historie som hovudfag frå Universitetet i Oslo. I denne utdanninga inngjekk òg norsk og tysk. Ho var i perioden 1938 til 1960 lærar ved fleire skular i Oslo. Skuleåret 1951-1952 var ho engasjert som mellombels lektor på Valler skule i Bærum, før ho inntil 1960 underviste ved Aars og Voss' skule. I 1960 vende ho attende til Valler, denne gongen som rektor. Ho vart i denne stillinga til ho gjekk av med pensjon i 1979.
I 1930-åra vart Lisbeth Broch som student medlem av Mot Dag, og ho var dessutan lokalpolitikar i Bærum, der ho representerte Arbeidarpartiet i kommunestyret og formannskapet. Ho sat i kommunestyret i periodane 1948–1955 og 1960–1967, og i formannskapet frå 1964. I fleire år var ho dessutan medlem av skulestyret og barnevernsnemnda.
Broch var ein aktiv kvinnesaksforkjemper. Dette uttrykte ho i virket sitt som skribent, kanskje tydelegast i heftet Kvinnereisning frå 1940, der ho tok for seg historia til kvinnerørsla i Noreg og i verda elles. Ho var dessutan medforfattar i Arbeidernes Leksikon, og skreiv dessutan eitt bind av Aschehougs verdenshistorie.
Bibliografi
endre- 1937: John Stuart Mill's betydning for Englands kvinnebevegelse
- 1941: Sjøfart og kolonier på 1700-tallet
- 1940: Kvinnereisning (Utgitt i bearbeidet form i Cappelens Studiebibliotek i 1946)
- 1952: The Political Role of Women in Norway
- 1954: Aschehougs verdenshistorie bind 3: Fra de store oppdagelser til 1789
Kjelder
endre- ↑ Arbeiderbladet 1991.08.24. 1991.
- Denne artikkelen bygger på «Lisbeth Broch» frå Wikipedia på bokmål, den 12. november 2021.
Litteratur
endre- Norsk kvinnelitteraturhistorie. Pax. 1990. s. 252. ISBN 8253014988.