Liv Signe Navarsete

Liv Signe Navarsete
	Liv Signe Navarsete
	; Liv Signe Navarsete Foto: Senterpartiet
Fødd	23. oktober 1958 (66 år); Sogndal kommune
Statsborgar av	Noreg
Parti	Senterpartiet
Religion	kristendom
Yrke	politikar
Utdanna ved	Høgskulen i Sogn og Fjordane
Ektefelle	Lars Petter Nesse
Alle verv	Norsk kommunalminister (2009–2013); Norsk samferdsleminister (2005–2009); stortingsrepresentant (2017–2021); vararepresentant til Stortinget (2001–2005); stortingsrepresentant (2005–2009); stortingsrepresentant (2009–2013); stortingsrepresentant (2013–2017); partileiar (2008–2014); statsforvaltar i Vestland (2022–) ;

Liv Signe Navarsete (fødd 23. oktober 1958 i Sogndal) er ein norsk Senterpartipolitikar. Ho var leiar i Senterpartiet frå 2008 til 2014 og kommunal- og regionalminister i regjeringa Stoltenberg II. Frå 2005 til 2009 var ho samferdsleminister.

Navarsete har vore gruppeleiar for Senterpartiet i fylkestinget i Sogn og Fjordane, vararepresentant til Stortinget 2001–2005, og var med i distriktskommisjonen. Ho har hatt styreverv i mellom anna Gjensidige Nor Forsikring, i Vestlandsforsking og har vore sjølvstendig næringsdrivande. Navarsete er ei av berre seks kvinner frå Sogn og Fjordane som har representert fylket på Stortinget.^[1]

Ved stortingsvalet 2005 vart Navarsete vald inn på Stortinget som fast representant frå Sogn og Fjordane. 17. oktober 2005 vart ho utnemnd til samferdsleminister i den raudgrøne regjeringa. Ved valet i 2009 vart ho attvald til Stortinget. Ved omrokkeringa i regjeringa etter valet vart ho utmend til kommunal- og regionalminister.

Etter at Åslaug Haga trekte seg som partileiar i 2008 (og Lars Peder Brekk hadde fungert mellombels i vervet i nokre månader), vart Navarsete vald til leiar for Senterpartiet 12. september 2008.

Navarsete er opphavleg frå Sogndal og vart som tobarnsmor i 1992 enkje då ektemannen brått døydde grunna hjarteinfarkt. Ho har no vaksne ungar.^[2] Frå år 2000 har ho budd i Lærdal, der ho vart sambuar med Lars Petter Nesse, som har vore varaordførar i Lærdal. På skotårsdagen 29. februar 2008 fridde ho til han, og 17. mai 2008 gifta dei seg i den norske sjømannskyrkja i London.

Ho har vorte tildelt Storegutprisen for god og levande nynorsk.

Kjelder

↑ Kvinner frå Sogn og Fjordane på Stortinget og i regjeringa, Kvinnestemmer frå Sogn og Fjordane, arkivert frå originalen 15. desember 2014, henta 12. desember 2014
↑ «Navarsete fridde på skuddårsdagen» på VG.no.

«Liv Signe Navarsete». Stortinget.no.

[1] Kvinner frå Sogn og Fjordane på Stortinget og i regjeringa, Kvinnestemmer frå Sogn og Fjordane, arkivert frå originalen 15. desember 2014, henta 12. desember 2014

[vg502941-2] «Navarsete fridde på skuddårsdagen» på VG.no.

[1]

[2]

Liv Signe Navarsete
Liv Signe Navarsete Foto: Senterpartiet

Fødd	23. oktober 1958 (66 år) Sogndal kommune
Statsborgar av	Noreg
Parti	Senterpartiet
Religion	kristendom
Yrke	politikar
Utdanna ved	Høgskulen i Sogn og Fjordane
Ektefelle	Lars Petter Nesse
Alle verv	Norsk kommunalminister (2009–2013) Norsk samferdsleminister (2005–2009) stortingsrepresentant (2017–2021) vararepresentant til Stortinget (2001–2005) stortingsrepresentant (2005–2009) stortingsrepresentant (2009–2013) stortingsrepresentant (2013–2017) partileiar (2008–2014) statsforvaltar i Vestland (2022–)