Loch Lomond
- For songen, sjå The Bonnie Banks O’ Loch Lomond.
Loch Lomond (skotsk-gælisk Loch Laomainn) er ein innsjø i Skottland. Han er den største innsjøen på øya Storbritannia ut frå overflateareal og det ligg mange øyar i innsjøen, som Inchmurrin, den største øya i ein innsjø på Dei britiske øyane. Staden er ein populær feriestad og er omtalt i song.
| Loch Lomond | |||
| innsjø | |||
 | |||
| Land |  Skottland
| ||
|---|---|---|---|
| Tilsig | River Endrick, Fruin Water, River Falloch | ||
| Utløp | River Leven | ||
| Nedslagsfelt | 696 km² | ||
| Opphaldstid | 1,9 år | ||
| Høgd over havet | 7.6 moh. | ||
| Lengd | 39 km | ||
| Breidd | 8 km | ||
| Areal | 71 km² | ||
| Middeldjupn | 37 m | ||
| Største djupn | 190 m | ||
| Volum | 2,6 km³ | ||
| Koordinatar | 56°05′N 4°34′W / 56.083°N 4.567°W | ||
| Øyar | 30+ (Inchcailloch, Inchmurrin, Inchfad) | ||
| Byar | Balloch, Ardlui, Balmaha, Luss, Rowardennan, Tarbet | ||
 Loch Lomond 56°08′54″N 4°39′05″W / 56.1482°N 4.6515°W | |||
| Wikimedia Commons: Loch Lomond | |||
Geografi
endre
Loch Lomond er ein innsjø som ligg i Highland-forkastinga, grensa mellom låglandet i det sentrale Skottland og Dei skotske høglanda. Innsjøen er 39 km lang og mellom 1,21 km og 8 km brei. Middeldjupna er kring 37 meter og den største djupna er 190 meter. Overflatearealet er 71 km² og han har eit volum på 2,6 km³. Av alle innsjøane på øya Storbritannia har han det største overflatearealet og det nest største vassvolumet etter Loch Ness.[1] Berre Lough Neagh i Nord-Irland er større på Dei britiske øyane.[2]
Tradisjonelt har innsjøen vore ei grense mellom Stirlingshire og Dunbartonshire, og Loch Lomond ligg for tida i regionane Stirling, Argyll and Bute og West Dunbartonshire. Sørsida av innsjøen ligg 23 km nord for Glasgow.
Loch Lomond er i dag ein del av of Loch Lomond and the Trossachs nasjonalpark. Ben Lomond ligg på austsida med ei høgd på 974 meter over havet.
Vegen A82 går langs vestsida av innsjøen. I lange tider var dette ein stad der det ofte oppstod trafikkork på grunn av mykje turistar her i sommarmånadane. Vegen vart oppgradert i 1980- og 1990-åra.
Øyar
endre
Innsjøen har over 30 øyar.[3] Nokre av øyane kjem berre fram når vassnivået er lågt.[4] Fleire av øyane er forholdsvis store til å ligge i innsjøar og Inchmurrin er til dømes den største øya i i ein innsjø på Dei britiske øyane.[5] Som i Loch Tay er fleire av øyane såkalla crannogs, kunstige øyar som vart bygde i førhistoriske tid.
På ein av øyane i innsjøen, Inchconnachan, finst det kenguru.[6]
Kjelder
endre- Denne artikkelen bygger på «Loch Lomond» frå Wikipedia på engelsk, den 31. august 2010.
- Wikipedia på engelsk oppgav desse kjeldene:
- ↑ "Scotland’s Water Environment Review 2000-2006"[daud lenkje] SEPA.
- ↑ Whitaker's Almanack (1991) London. J. Whitaker og Sons. s. 127.
- ↑ «Loch Lomond Islands– Inchmurrin». Loch Lomond.net. Henta 31. august 2010.
- ↑ «Introduction to Loch Lomond Islands». Loch Lomond, Callander og Trossachs. Henta 25. september 2008.[daud lenkje]
- ↑ Worsley, Harry (1988). Loch Lomond: The Loch, the Lairds and the Legends. Glasgow: Lindsay Publications. ISBN 978-1-898169-34-5.
- ↑ Scottish Daily Record, 06/06/2009 Colony of Wallabies set for cull