Lucy Ayoub
Lucy Ayoub (fødd 21. juni 1992) er ein israelsk TV-programleiar, skribent og radiovert. Ayoub var ein av programleiarane i Eurovision Song Contest 2019 saman med Assi Azar, Erez Tal og Bar Refaeli.[1]
| Lucy Ayoub | |
.png) | |
| Verkeleg namn | arabisk لوسي ايوب, hebraisk לוסי איוב |
| Fødd | 21. juni 1992 (32 år) Haifa 
|
| Yrke | programleiar, lyrikar, radioprogramleiar, skodespelar, fjernsynsskodespelar, skribent, brand ambassador, slampoet, mor, arrangementvert, kjendis, sosialaktivist |
| Organisasjon | Israels offentlige kringkastingsselskap, Keshet 12, Keshet, Yes, Hot, ZOOM, Kan 11, Hot 3, Bank Leumi, Max IT Finance |
| Religion | kristendom, katolisisme, Jødedommen, Arab-Christians, Palestinian Christians |
| Ektefelle | Etay Bar
|
| Lucy Ayoub på Commons | |
Bakgrunn
endreAyoub vart fødd i Haifa i Israel. Faren er arabisk-kristen, medan mora er ein askenasisk jøde som seinare konverterte til kristendomen.[2][3]
Ayoub tenestegjorde to år i det israelske forsvaret som flysimulator-instruktør i luftforsvaret.[4] Frå 2016 studerte ho filosofi, økonomi og politikk ved Universitetet i Tel Aviv.
Karriere
endreI 2016 vart Ayoub kjend i Israel då ho las fleire av dikta sine i ei israelsk slampoesi-tevling. Same året byrja ho å jobba for Israel Broadcasting Authority (IBA) og skreiv manus og laga videoar. I 2017 vart Ayoub programleiar for eit vekentleg kulturprogram på israelsk radio og ho vart samstundes programleiar for kulturprogrammet Culture Club på tv-kanalen Kanal 11.
Ayoub las opp dei israelske jurypoenga i Eurovision Song Contest 2018, noko som fekk mediemerksemd etter at den israelske kulturministeren Miri Regev kritiserte ho for å snakka arabisk under sendinga og utan å nemna Jerusalem.[5][6]
Under Eurovision Song Contest 2019 var Ayoub programleiar i green room saman med Assi Azar, medan Erez Tal og Bar Refaeli var hovudprogramleiarar.[7][8]
Kjelder
endre- ↑ Zwart, Josianne. «Bar Refaeli, Erez Tal, Assi Azar & Lucy Ayoub to host Eurovision 2019!». Henta 25. januar 2019.
- ↑ https://www.yediot.co.il/articles/0,7340,L-5018335,00.html
- ↑ https://www.haaretz.co.il/gallery/literature/.premium-MAGAZINE-1.2975625
- ↑ Atwan, Shachar (29. juni 2016). «Jewish-Arab Slam Poet a Hit in Person and on YouTube». Haaretz. Henta 26. januar 2019.
- ↑ «May we have your votes please?». Eurovision Song Contest. 11. mai 2018. Henta 26. januar 2019.
- ↑ «דיווח: שרת התרבות מירי רגב דורשת התערבות ממשלתית באירוויזיון 2019» [Rapport: Kulturminister Miri Regev krever at regjeringen griper inn i Eurovision 2019] (på hebraisk). 16. juni 2018. Henta 26. januar 2019.
- ↑ Zwart, Josianne. «Bar Refaeli, Erez Tal, Assi Azar & Lucy Ayoub to host Eurovision 2019!». Henta 25. januar 2019.
- ↑ «Meet the Eurovision 2019 hosts: Bar Refaeli, Erez Tal, Assi Azar and Lucy Ayoub». 25. januar 2019. Henta 26. januar 2019.
- Denne artikkelen bygger på «Lucy Ayoub» frå Wikipedia på bokmål, den 23. november 2021.