MS «Nordstjernen»
- Denne artikkelen handlar om hurtigruteskipet frå 1956. For andre skip med same namnet, sjå «Nordstjernen».
MS «Nordstjernen» er eit hurtigruteskip sett i rute i 1956, oppkalla etter skipet som havarerte i Raftsundet september 1954.
| MS «Nordstjernen» | ||||
|---|---|---|---|---|
| ||||
| Karriere i Noreg
|
||||
| Type: | Hurtigruteskip | |||
| Eigar: | Hurtigruten Group ASA | |||
| Operatør: |
1956–1979: BDS 1979–2006: TFDS 2006–2012: Hurtigruten ASA 2012 –: Indre Nordhordland Dampbåtlag | |||
| Registreringshamn: | Bergen | |||
| Rute: | Hurtigruta | |||
| Kostnad: | 1,9 mill kr | |||
| Verft: | Hamburg | |||
| Byggjenummer: | 787 | |||
| Sjøsett: | 26. oktober 1955 | |||
| Overtatt: | 1956 | |||
| Sett i teneste: | 1956 | |||
| Jomfrutur: | 1. mars 1956 | |||
| Identifisering: | IMO-nummer: 5255777[1] | |||
| Generelle eigenskapar | ||||
| Tonnasje: | 2191 tonn | |||
| Daudvekt: | 656 tonn[1] | |||
| Lengd: | 80,77 m | |||
| Dekkbreidde: | 12,6 m | |||
| Djupgang: | 4,5 m | |||
| Fart: | 16 knop | |||
| Passasjerar: | 400 | |||
| Køyer: | 179 | |||
MS «Nordstjernen» gjekk i fast rotasjon i hurtigruta frå 1956 til 2002. Skipet vart tatt ut av ordinær hurtigrutetrafikk i 2002, men gjekk som erstatningskip i vinterhalvåret frå 2005/2006. I sommarhalvåret gjekk skipet i cruisetrafikk ved Svalbard.[2]
24. februar 2006 kunne MS «Nordstjernen» markera 50-årsjubileum som hurtigruteskip. Det hadde då reist ein distanse som tilsvarer 150 gonger rundt ekvator.[3] I 2009 vart det igjen sett inn i fast hurtigrutetrafikk.[2] MS «Nordstjernen» var det eldste skipet i ordinær hurtigrutetrafikk fram til siste anløp i Bergen 22. mars 2012, og var dermed det skipet som hadde lengst fartstid på denne ruta - 9 år lengre enn DS «Vesteraalen». Skipet vart erklært verneverdig av Riksantikvaren i 2007 og freda i desember 2012.[4]
Historie
endreMS «Nordstjernen» var det åttande nybygde hurtigruteskipet etter krigen. Det kom i staden for DS «Nordstjernen» frå 1937 som havarerte ved Hanøya i Raftsundet 22. september 1954. MS «Norstjernen» var det første hurtigruteskipet som vart bygd ved Werft Blohm & Voss i Tyskland.
I hurtigruta
endre
Skipet vart sjøsett 26. oktober 1955 og overlevert 24. februar 1956. Den 1. mars 1956 vart MS «Nordstjernen» sett inn i hurtigrutetrafikk for første gong. I åra 1976 til 1979 gjekk det på vårparten i turistrute mellom Bergen og Lerwick på Shetland. Desse turane var organisert slik at skipet gjekk i ordinær hurtigrutetrafikk til Bergen før turen til Shetland og tilbake i hurtigrutetrafikk etter heimkomst. På denne måten kunne passasjerar frå andre stader i hurtigruteleia starte og slutte turen på heimstaden.
I 1979 vart MS «Nordstjernen» og BDS sine tre andre hurtigruteskip (MS «Midnatsol» (1949), MS «Nordlys» (1951) og MS «Polarlys» (1952)) selde til Troms Fylkes Dampskibsselskap (TFDS), og dei fekk skorsteinsmålinga til TFDS med eit stort kvitt felt med eit smalt raudt felt over og under. Frå BDS-tida hadde dei ei stjerne i baugen og denne har dei enno, sjølv om TFDS ikkje brukte slike merke.
I 1983 vart skipet oppgradert ved Mjellem & Karlsen Verft i Bergen. Ny hovudmotor vart installert og fleire av lugarane fekk eige toalett med dusj. Køyekapasiteten vart etter dette redusert til 179.
Kjelder
endre- ↑ 1,0 1,1 https://www.hafen-hamburg.de/de/schiffe/kreuzfahrtschiffe; vitjingsdato: 23. januar 2020.
- ↑ 2,0 2,1 SkipsMagasinet: MS Nordstjernen (av Per Rydheim, publisert 28.mai 2010) Besøkt 1. oktober 2017
- ↑ NRK Nordland – Nordstjernen 50 år. Publisert 24. februar 2006 Besøkt 6. oktober 2008
- ↑ Riksantikvaren: M/S Nordstjernen fredet Besøkt 1. oktober 2017