Machakheli
Machakheli (მაჭახელი, Mach'akheli på georgisk, Maçahel på tyrkisk), er eit historisk område og ein lang dal langs elva Machakhlistskali mellom Tyrkia og Georgia. Det ligg 23 landsbyar langs dalen.
Området var ein del av det georgiske kongedømet fram til oppdelinga av kongedømet seint på 1400-talet. Det gjekk då til dei delvis sjølvstendige fyrstane Samtskhe (òg kjend som Saatabago (საათაბაგო)), som underkasta seg til osmanske sultanen Mehmed II i 1479. Området vart særleg kjend for produksjonen av muskettar, som fekk kallenamnet Machakhela frå seint på 1700-talet til midten av 1800-talet. Machakheli var sporadisk under Det russiske imperiet sin kontroll under dei mange krigane deira med Det osmanske riket. Etter at den nye tyrkisk-sovjetiske og tyrkisk-georgiske grensa vart trekt i 1921, har Machakheli vore delt mellom dei to landa.
I dag er høyrer Øvre Machakheli til Tyrkia og ligg i distriktet Borçka i provinsen Artvin. Nedre Machakheli ligg i den autonome republikken Adjara i Georgia.
I juli 2012 oppretta Georgia Machakheli nasjonalpark og signerte ein samarbeidsavtale med Tyrkia for å ta seg av miljøsaker i regionen.[1]
Kjelder endre
- Denne artikkelen bygger på «Machakheli» frå Wikipedia på engelsk, den 16. august 2012.
- Wikipedia på engelsk oppgav desse kjeldene:
- ↑ U.S. Government Helps Government of Georgia and Government of Turkey Cooperate on New National Park Arkivert 2012-10-11 ved Wayback Machine.. USAID Georgia. July 18, 2012.
Bakgrunnsstoff endre
- Guide til Macahel med bilete Arkivert 2011-07-24 ved Wayback Machine.
- Bilete frå dalen