Mads Hansen
- For andre tydingar av oppslagsordet, sjå Ishockeyspelaren Mads Hansen.
Mads Andre Hansen (fødd 2. februar 1984) er ein norsk programleiar og tidlegare fotballspelar i eliteserien og 1. divisjon.[1][2]
| Mads Hansen | |
|
| |
| Statsborgarskap | Noreg |
| Fødd | 2. februar 1984 (40 år) Lier kommune |
| Idrett | fotball |
| Utmerkingar | Spellemannprisen for årets hit, Årets medienavn |
Biografi
endreMads Hansen vart fødd i Lier. Hansen har bachelorgrad i marknadsføringsleiing ved BI.[3] Han har tidlegare spelt indreløpar for Lier Idrettslag, Strømsgodset Toppfotball, to periodar i Mjøndalen Idrettsforening og Fredrikstad Fotballklubb.[4]
25. oktober 2009 vart han matchvinnar i kampen mellom Mjøndalen og Hønefoss Ballklubb etter eit raid frå eigen banehalvdel. Målet er samanlikna med Diego Maradona sitt mål for Argentina mot England i kvartfinalen i VM i Mexico i 1986.[5] Med siger 2–1 mot serieleiaren Hønefoss sikra Mjøndalen plassen i Adeccoligaen. Målet vart òg kåra til «årets mål» under Gullballen på NRK1 6. november 2009[6]
Han la opp som fotballspelar i april 2018 på grunn av manglande motivasjon og nye jobbmoglegheiter.[7][8]
Frå 2014 leidde han saman med Christian Gauseth TV-serien 2 mot 1 på TV 2.[9] Han medverkar i Spårtsklubben på VGTV saman med Ida Fladen, Jon Martin Henriksen, Erik Follestad Johansen og Oskar Westerlin.[10]
Hansen gav ut den første låten sin, «Sommerkroppen», 30. mai 2018, ein låt som etter to dagar gjekk til topps på den norske topplista til musikkstrøymetenesta Spotify.[11] «Sommerkroppen» strøymde seg til gullplate raskare enn nokon annan song har gjort i Noreg før.[12] Hansen vart hyra inn til å delta på det årlege musikkarrangementet VG-lista topp 20, fredag 22. juni 2018 på Rådhusplassen i Oslo. Der avslutta han showet med «Sommerkroppen».[13] For låten vann han Spellemannprisen 2018 i klassen årets låt.[14] I november 2018 heldt han fram musikkarrieren sin, no som produsent, med songen «Juletragedien». Vokalen på songen er framført av Erik Follestad Johansen og Linni Meister, og songen toppa den norske Spotify-lista frå 21. november og fram til jul.[15]
Ved enden av mai 2020 vart det klårt at Hansen skulle ta over for Gaute Grøtta Grav som programleiar for TV 2-programmet Farmen og han har leidd programmet sidan sesong 16 som vart vist hausten same år.[16] Hansen gav same år òg ut boka Min instastory.[17] For Farmen og VGTV-serien Ikke lov å le på hytta var han ein av fire finalistar til publikumsprisen under Gullruten 2021.[18]
Bibliografi
endre- 2020 – Min instastory . ISBN 9788248926184
Kjelder
endre- ↑ «altomfotball.no: Mads Hansen - Mjøndalen - OBOS-ligaen, 2016». Henta 21. september 2021.
- ↑ Nilsen, Magne J. (31. januar 2013). «Henter hjem Hansen» (på norsk). Henta 4. oktober 2021.
- ↑ Vestengen, Av Pernille, «Men dette er ikke første gangen Mads Hansen taper et veddemål», Dagsavisen (på norsk), henta 29. oktober 2021
- ↑ Slapp å betale FFK-overgangen selv – NRK Østfold
- ↑ «Mjøndalen-spiller tok «en Maradona»». Aftenposten. 25. oktober 2009. Arkivert frå originalen 27. mai 2012. Henta 28. oktober 2009.
- ↑ «Mads Hansen med ukas mål i verden» (på norsk). 12. november 2009. Henta 4. oktober 2021.
- ↑ «Mads Hansen gir seg som fotballspiller». Mjøndalen (på norsk bokmål). Arkivert frå originalen 16. juni 2018. Henta 29. oktober 2021.
- ↑ Wikborg, Jonas (27. april 2018). «Mads Hansen legger opp: – Skjønner at timingen er rar». VG Nett (på norsk).
- ↑ «TV2.no - Video» (på norsk). Henta 4. oktober 2021.
- ↑ «Spårtsklubben» (på norsk). Henta 4. oktober 2021.
- ↑ «Sensasjonelle Spotify-tall for Mads Hansen-låten «Sommerkroppen»» (på norsk).
- ↑ «Dagsrevyen – portrett Mads Hansen». NRK Dagsrevyen (på norsk). 9. juni 2018. Henta 22. juni 2018.
- ↑ ««Sommerkroppen»-Mads satte «fyr» på Rådhusplassen» (på norsk).
- ↑ «Her er årets Spellemann-vinnere». 30. mars 2019. Henta 30. mars 2019.
- ↑ Spotify-liste til Spotify-liste
- ↑ AS, TV 2. «Mads Hansen (36) blir Farmen-programleder» (på norsk). Henta 27. mai 2020.
- ↑ «Bokanmeldelse: Fjasete selvbiografi om «bloggkrigen» mot Isabel Raad og Anna Rasmussen» (på norsk bokmål). Henta 1. oktober 2020.
- ↑ «Gullfinalist Solvang: – Jeg må dessverre skuffe dere, Geir og Mads». 29. april 2021. Henta 13. mai 2021.
- Denne artikkelen bygger på «Mads Hansen» frå Wikipedia på bokmål, den 30. oktober 2021.
Bakgrunnsstoff
endre- Mads Hansen ved The Internet Movie Database (IMDb)