Magdalenatapakulo
| Magdalenatapakulo | |
| Utbreiing og status | |
Status i verda:  Sterkt truga Utbreiinga av Magdalenatapakulo | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Tapakuloar Rhinocryptidae |
| Slekt: | Scytalopus |
| Art: | Magdalenatapakulo S. rodriguezi |
| Vitskapleg namn | |
| Scytalopus rodriguezi | |
Magdalenatapakulo (Scytalopus rodriguezi) er ein fugl i tapakulofamilien som er endemisk for Colombia med utbreiing avgrensa til øvre Magdalenadalen.
Skildring endre
Dette er ein mellomstor tapakulo, ca. 11,5 centimeter, og med kroppsvekt på ca. 22 gram. Fjørdrakta til vaksne fuglar er mørk skifergrå med kanelbrun, mørkt tverrstripa overgump, undergump og bakre kroppssider. Magdalenatapakuloar lever i underskogen av fuktig, høg skog, i eit relativt smalt høgdebelte frå frå 2000 til 2300 moh. Dette er insektetande fuglar.[1]
Populasjonen er estimert til å ligge på mindre enn 10 000 individ er trudd å vere minkande. Arten er klassifisert som sterkt truga, EN.[2]
Om tapakuloar generelt endre
Tapakuloar lever i tett vegetasjon på eller nær bakkenivå og finst hovudsakleg i fjellområda i utbreiingsområdet sitt. Dei kan vere særs krevjande å observere ettersom dei spring i underskogen på ein musaktig måte. Artane er terrestriske, har korte venger og fuglane har derfor dårlege flygeevner. Dei har kraftige bein, godt egna til livet på grassletter og i underskog. Stjerten er oppreist. Dei vert enklast oppdaga og identifisert med hjelp av kjenneteikn i songen.
Kjelder endre
- Fjeldså, J. & Bonan, A. (2013). Magdalena Tapaculo (Scytalopus rodriguezi) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 31. august 2015
- BirdLife International (2015) Species factsheet: Scytalopus rodriguezi Arkivert 2015-09-24 ved Wayback Machine.. Henta frå http://www.birdlife.org den 31. august 2015
- Referansar