Magerøya
- Sjå òg Magerøya (fleirtyding).
Magerøya (nordsamisk Máhkarávju) er ei øy i Nordkapp kommune i Finnmark fylke. Ho er 436,6 km² og her ligg Knivskjellodden, det nordlegaste punktet, i Noreg og Europa om ein reknar med øyar på kysten av fastlandet. Like ved Knivskjellodden ligg Nordkapp-platået. Øya består av bert tundralandskap utan tre (bortsett frå små lommer med fjellbjørk) og bratte klipper på kysten. Det høgaste punktet på øya er Gråkallfjellet på 417 meter over havet.
| Magerøya Lokalt namn Máhkarávju | |
|---|---|
 Nordkapp ligg på Magerøya | |
| Geografi | |
| |
| Stad | Barentshavet |
| Koordinatar | 71°03′02″N 25°41′54″E / 71.05056°N 25.69833°E
|
| Areal | 436,4 km²
|
| Høgaste punkt | Gråkallfjellet (417 moh.)
|
| Administrasjon | |
| Land | Noreg |
| Fylke | Finnmark fylke |
| Største busetnad | Honningsvåg (2417 innb.)
|
Den største turistattraksjonen på Magerøya er Nordkapp, ei bratt klippe på nordkysten. For å ta imot dei mange turistane som kjem hit vart det bygd ein undersjøisk tunnel som stod ferdig i 1999. Nordkapptunnelen er 6,87 km lang og har eit djup på 212 meter under havoverflata og var den lengste og djupaste undersjøiske tunnelen i verda då han vart bygd.
Tettstader på Magerøya er Nordvågen, Skarsvåg, Gjesvær, Kamøyvær og byen Honningsvåg.
Det har budd folk på Magerøya i over 10 000 år.
Folk frå Magerøya
endre- Isaac Olsen (d. 1739), lærar og skribent
