Margaret Sophia Green Kvikne

Margaret Sophia Green Kvikne (1850–1894) var ei prestedotter frå York i England som kom til Noreg for å drive med fjellklatring. Ho gifta seg med hotelleigar og fjellførar Knut Kvikne i Balestrand i 1890.

Margaret Sophia Green Kvikne
Statsborgarskap	Noreg
Fødd	1850
Død	1894 (44 år)
Margaret Sophia Green Kvikne på Commons

Kvinneleg pioner

Kviknes Hotel i Balestrand

Det var eit miljø for fjellklatring i området der Margaret Sophia Green voks opp. Fjellklatrar og noregsven William Cecil Slingsby var frå same området. Då Margaret kom til Noreg for fyrste gong i 1886 hadde ho allereie mykje klatreerfaring, blant anna frå fleire turar til Alpane.

I 1886 vart Margaret Sophia Green den andre kvinna som klatra til toppen av Romsdalshorn. Seinare vart ho også den første kvinna på toppen av Store Styggedalstind (1888). Ein planlagt tur til Store Skagastølstind vart avlyst grunna dårleg vêr, og norske Therese Bertheau vart den første kvinna på «Storen» i 1894.

I 1888 skreiv Margaret Sophia Green som første kvinne i Den Norske Turistforenings Årbok. Teksten heitte: «A Visit to the Hurungtinder in 1888».

Den engelske kyrkja

Den engelske kyrkja i Balestrand

Margeret Sophia Green Kvikne fekk tuberkulose og levde berre i 4 år etter at ho gifta seg med Knut Kvikne. Før ho døydde gav Knut Kvikne kona si eit løfte om å byggje ei engelsk kyrkje i Balestrand. Kyrkja fekk namnet St. Olafs Church og vart ferdigstilt i 1897. Inne i kyrkja finn ein eit måleri av hotellfrua og fjellpioneren, og ei minneplate med eit sitat frå Davidssalmen: «The Mountains shall bring Peace».

Kjelder

• Kvinnestemmer frå Sogn og Fjordane Arkivert 2016-04-04 ved Wayback Machine.
• Margaret Sophia Green, Den Norske Turistforenings Årbok, "A visit to the Hurrungtinder in 1888".
• Anne Mette Vibe: Therese Bertheau – Tindestigerske og Lærerinde
• NRK Fylkesleksikon: Margaret Sophia Green Kvikne
• NRK Fylkesleksikon: Knut Kvikne
• NRK Fylkesleksikon: St. Oafs kyrkje
• Margrethe Henden Aarass og Sigurd Vengen, Kulturhistorisk leksikon: St. Olafs kyrkje – Engelskkyrkja (Også på Digitalt Fortalt)