Balestrand

For kommunen med same namn, sjå Balestrand kommune.

Balestrand, også kalla Balholm eller Holmen, er ein tettstad i Sogndal kommune, Vestland.

Balestrand
stad
Balestrand frå fjorden Foto: Matt Sachtler
Land	Noreg
Fylke	Vestland
Kommune	Sogndal
Areal	1,06 km²
Folketal	824 (2017)
Folketettleik	777 / km²
Postnummer	6899 BALESTRAND
Balestrand 61°12′31″ N 6°31′58″ E
Wikimedia Commons: Balestrand (village)

Balestrand var kommunesenteret i tidlegare Balestrand kommune i Sogn og Fjordane fram til kommunen vart slegen saman med Leikanger og Sogndal til nye Sogndal kommune frå 1. januar 2020.

Sjølve namnet Balestrand blei skapt av Henrik Wergeland då han reiste i Sogn i 1832, og skreiv diktet "Framnæs - Balestrand". Namnet kjem av garden Bale, som ligg sentralt til i bygda. På gamalnorsk betyr Bale ein graskledd bakke ved sjøen.

Tettstaden har 824 innbyggjarar per 1. januar 2017 og ligg sørom innlaupet til Esefjorden, på nordsida av Sognefjorden. Balestrand er ein viktig turiststad og har fleire hotel og andre overnattingsstader, mellom andre Kviknes hotel. Her ligg også Norsk Reiselivsmuseum, Sognefjord Akvarium og Balholm AS .

I sommarsesongen går det turistbåtar frå Balestrand inn Fjærlandsfjorden og til Flåm. Det er heilårs snøggbåtrute til Bergen.

Drakestilsvilla i Balestrand.

Foto: Matt Sachtler

Bakgrunnsstoff

Commons har multimedia som gjeld: Balestrand

• Eldre fotografi frå Balestrand på nettstaden til Nasjonalbiblioteket