Marit Elisebet Totland

Marit Elisebet Høines Totland (fødd 1957) er ein norsk Krf-politikar og forfattar frå Skudenes. Ho var ordførar i Bømlo kommune frå 1995 til 1997, då ho fekk ny jobb som statssekretær i Kyrkje-, utdannings- og forskingsdepartementet i den første Bondevik-regjeringa. Ho var direktør ved Valen sjukehus frå 2001 til 2003, og var medlem av kommunestyret i Kvinnherad frå 2007 til 2015.

Marit Elisebet Totland
Marit Elisebet Totland på Garborgsenteret
Statsborgarskap	Noreg
Fødd	3. april 1957 (67 år)
Yrke	politikar, skribent
Politisk parti	Kristeleg Folkeparti

I 2004 gav Totland ut boka Blåstrømpe, ein historisk roman frå Skudenes på 1870-talet. Ho har òg skrive lokalhistoriske hefte frå Skudenes, lærebøker i kristendomskunnskap for grunnskulen og undervisningsmateriale for jubileet Kyrkja i Noreg tusen år. I 2014 kom Garborg og Skou - forskjell på folk?, ei bok om Arne Garborg og barndomsvennen Martin Johan Skou, taterguten som var modell for Carolus Magnus i romanen Fred.

I 2016 kom Totland ut med den historiske romanen Alt vel, som er ein frittståande oppfølgjar til Blåstrømpe.

Marit Elisebet Totland er mor til forfattar og journalist Anders Totland.

Bibliografi

• 2016: Alt vel (Kapabel forlag)
• 2014: Garborg og Skou - forskjell på folk? (Commentum forlag)
• 2008: Husker du? (Nauthydlaren forlag)

• 2004: Blåstrømpe (Nauthydlaren forlag)
• 2001: Med handemakt og hestekraft. Rolf Høines forteller (Nauthydlaren forlag)
• 2000: Svunne tider og og forsvunne hus. Rolf Høines forteller (Nauthydlaren forlag)
• 2000: Mikkel rev, bamse brakar og Ole M.Totland. (Nauthydlaren forlag, i samarbeid med Ole Jakob Totland)
• 1997: Spøk og alvor fra krig til fred. Rolf Høines forteller (Nauthydlaren forlag)
• 1995: Pedagogisk materiell til alle landets førskular, barneskular, ungdomsskular og vidaregåande skular i samband med kyrkja sitt 1000-årsjubileum (Moster forlag)
• 1991-1994: Kristendomsboka, 1-3, med lærerveiledning og arbeidsbok, saman med Toril Hansen, (Cappelen forlag)
  Denne samfunnsartikkelen er ei spire. Du kan hjelpe Nynorsk Wikipedia gjennom å utvide han.